Cyprien et Daphrose; Prière de beatification

Père Saint, nous te prions pour la béatification des serviteurs de Dieu Cyprien et Daphrose.

 

Cyprien et Daphrose Rugambam.  source,communaute de l'Emmamuel

Donne-nous d’avoir toujours, comme eux, un zèle incessant pour l’adoration,

Un cœur brûlant d’amour pour toi, une compassion agissante pour tous ceux qui souffrent.

Aide-nous à nous donner sans compter au service de l’évangélisation des familles et des pauvres.

 

En communion avec Cyprien et Daphrose,

nous te confions spécialement les couples qui rencontrent des difficultés conjugales

et les personnes qui peinent à pardonner à leurs ennemis

et nous te demandons de faire de nous des instruments de paix.

 

Par l’intercession des serviteurs de Dieu, nous osons te demander, selon ta volonté, la grâce de …

 

Seigneur, accorde-nous la paix et la grâce

qu’avec foi nous te demandons.

 

Amen

Uyu mubiri twahawe nituwuhindure unogere Nyagasani, umubere koko ingoro imukwiriye

Umubiri wa muntu ugizwe n’ibice bitandukanye kandi bikenewe, buri kimwe ku rugero rwacyo mu gutuma umuntu abaho kandi akagaragara neza. Twahawe amaboko kugira ngo tuyakoreshe dushaka ibidutunga binyuze mu nzira nziza; ntabwo twayaherewe kuvutsa abandi umudendezo n’ubuzima. Twahawe ibiganza ngo bidufashe kwakira no guhereza abandi tugiriye Kristu udukunda twese; ntabwo twabiherewe kubifungamo amakofe, ngo dufate ibyo tutemerewe cyangwa ngo tubikoreshe dukubita abandi inshyi. Twahawe inzara kugira ngo intoki zacu zigire isura nziza kandi zinadufashe kwishima ku mubiri igihe bibaye ngombwa; ntabwo Imana yaziduhereye kunoshana no kwirirwa tuzishimisha mu mabere y’abagore n’abakobwa cyangwa abasore n’abagabo b’abandi. Abakobwa bahawe amabere kugira ngo bazabone uko bonsa abana bazabyara; ntabwo bayaherewe kwirwa bayanitse izuba nk’uwanitse amamera cyangwa ngo birwe bayategeje abagabo n’abasore. Bavandimwe nkunda, twahawe uburanga kugira ngo tubukoreshe dushimisha abo tuzabana aho kwirirwa tuburata, tubukoresha mu gutuka Imana. Uyu mubiri twahawe nituwuhindure unogere Nyagasani, umubere koko ingoro imukwiriye. Kuwusiga amarangi, kuwuzuzaho intoboro, kwiyandikaho, guhindura imisatsi n’uruhu sibyo bizatuma tunogera Imana kuko kuri bamwe ari uguhinyura uko Imana yabaremye. Guhindura umubiri bikwiriye ni ukuwambura isura ituma uba inshuti ya Nyakibi, ukawambika isura ituma Nyakibi aguhurwa, ari nayo ituma Imana ikwishimira. Niba twemera ko twaremwe n’Imana yaremye ibyiza (Intg.1,31), tukemera ko Imana idukunda nitwishimire uko turi bityo aho guhihibikanira kwihindura ukundi tugamije gushimwa n’abantu, duharanire kugarukira Imana idukunda.

 

Muri iyi si, hari abo abantu birirwa batangarira kubera uburanga Imana yabahaye butandukanye n’ubwo yagabiye abandi; ugasanga aho banyuze hose bakurikizwa amaso n’intekerezo, bigatuma abagengwa n’irari bagerageza gushaka uburyo babimariraho iryo ritindi. Ntabwo bikwiriye ko umuntu yirata uburanga yahawe na Rurema, atabigizemo uruhare, ngo yirirwe yicukurira imva. Ikiruta ni ugushimira Imana kubera iyo mpano y’ibyuzo bituma bayaguhanga no gukoresha ubwo bwiza usingiza Imana, uyimenyekanisha hose, igihe cyose no muri bose. Hari abahungu baburabwenge bagendana irari ku gahanga na bashiki babo barigize nk’amavuta bisiga, batabura impamvu bitwaza; Bati “Ntabwo mwaba muri harya, yambaye kuriya, muri mwenyine ngo upfe kumucika. Yagukoreye biriya ntiwamugendana, kireka atakwibasiye...” Izi ngirwampamvu bazishingikiririza mu gusobanura amahano yabo, nyamara bakirengagiza inama-mukiza bagirwa ndetse n’ingero-mukiza dukesha Ibyanditswe Bitagatifu: Ibyo byose bakabitesha agaciro, bakihitiramo kumvira umubiri uboshya.

 

Tuzirikane indirimbo ‘Ubuzima twahawe’;

1.     Nyagasani Mana yacu, ni wowe wenyine imbaga itabarika ihanze amaso, mu buzima wayihaye.

R/ Dore imbaga y’abakuyobotse, bafite inyota y’urukundo, bahunde urumuri batayoba, bagutezeho umukiro w’iteka.

2.     Imigisha twahawe, uturinde kuyipfusha ubusa, umutima twahawe uturinde kuwutangaguza.

3.     Uyu munwa twahawe, uturinde kuwupfusha ubusa, ururimi twahawe uturinde kurutangaguza.

4.     Amaguru twahawe, uturinde kuyapfusha ubusa, amaboko twahawe uturinde kuyatangaguza.

 

Bavandimwe, muri Bibiliya dusangamo ingero; urwa Yozefu n’urwa Suzana, bo batatinye gupfana ubutungane mu maboko y’abanyabyaha aho gucumura mu maso ya Nyagasani. Umusore Yozefu wari mwiza wese yabengutswe na Nyirabuja kwa Putifari, amusaba ko baryamana kugeza n’aho ashatse kumufata ku ngufu ariko Yozefu wabyanze kera akomeza gutsemba no kuramba ku mwico mwiza, umugenzo nyobokamana ugomba gukurikizwa na bose (Intg,39,1-20). Umubyeyi Suzana na we yanze kumvira irari ry’abacamanza bayobowe na Sekibi bashoboraga no kumwica maze yihitiramo ubwe kwiyemeza kubagwa mu nzara ari intungane aho guhemukira Uwiteka (Dan.13,1-63[1]). Koko rere “umukristu upfiriye Imana ntatinya urupfu (Mtg.Yozefu Mukasa Balikuddembe)!” Twe abakristu, twirinde abantu bagambiriye kuduhungisha Uhoraho twimikana na bo Nyakibi, kandi abo bose badukundisha Imana, bikitanga uko bashoboye bayitwegereza nta gihembo cy’isi bategereje tubashakeho ubucuti kandi twirinde gutandukana na bo kuko kwitandukanya na bo ari uguha ikaze Umwanzi w’urumuri.

Tuzirikane amagambo yo mu ndirimbo ‘Yezu Kristu Mukiza wacu’; “Ibyiza Yezu yaduhaye nidushaka kubibona, tubanze twitegure neza, tureke kugira icyaha, umuhabwa afite icyaha aba agize nabi rwose. Mucyo natwe tumwitegure, twoye kumera nka Yuda”.

 

---

[1] Uyu mutwe uboneka gusa muri Bibiliya Ntagatifu

Kuki abihayimana badashaka?

Padiri Karekezi Theoneste, Photo/internet

Muri Kiliziya Gtolika, Abihayimana ntibashaka ngo bareme umuryango. Icyo baharanira ni ukwiyegurira Imana batizigamye bityo bakayegukira koko muri ubwo buryo, bitangira umurimo n’ubutumwa Kiliziya ibaha. Ese ni zihe mpamvu zituma badashaka badashaka kubera Ingoma y’Imana?

Impamvu ishingiye kuri Kristu- motif christique

kudashaka bifasha mu kugira ubuzima butandukanye n’imihangayiko y’urukundo rwa kimuntu n’urw’umuryango bigafasha kandi mu guharira Imana igihe cyawe cyose ndetse na roho yawe yose uzirikana ku Ijambo ry’Imana (1Kor.7,32-34). Uko kwemera guhara bimwe mu byishimo isi itanga bituma umukristu agira uruhare rudasanzwe ku musaraba wa Nyagasani Yezu Kristu. Dore ko aba anazirikana ko igihe ahumeka aba ari mu “gihe cyo kwihana ibyaha byacu tumaramaje. Igihe cyo kwiyambura ibituremerera byose. Igihe cyo gushaka Imana bigishoboka ko ibonwa. Igihe cyo gutera iby'isi n’iby'igihe gito umugongo, kuyihunga utitaye kubyo uyitungiyemo. Igihe cyo kwitondera amategeko n'amabwiriza y'Imana. Igihe cyo gushaka ubwishingizi bw'Imana no kuyikorera!”

Tuzirikane amagambo yo mu ndirimbo ‘Wantwaye umutima’; “Uhoraho wantwaye umutima nanjye nemera gutwarwa, Warangwatiriye maze undusha amaboko, Dore ndi imbere yawe Nyagasani ngo ungenze uko ushaka.”

Impavu zishingiye kuri Kiliziya- Motif ecclesial

Kudashaka bishushanya kandi bikanagaragaza ubuzima tuzabamo mu ijuru; kuko mu ijuru nta buzima bushingiye ku myororokere tuzagira, nta rukundo rushingiye ku mubiri tuzagira, ntihazaba umugabo cyangwa umugore, ahubwo urukundo rw’Imana - Agapé - ni rwo ruzaba ruganje mu mitima yacu. Utarwifitemo aragana he? Mtg. Efuremu ati “Aragowe kandi ateje impuhwe uri kure y’urukundo rw’Imana.  Iminsi ye ayimara asinziriye mu byago, kure y’Imana, ahataba urumuri nuko agatura mu mwijima.” (S. Ephrem le Syrien. Discours sur les vertus et les vices).

Tuzirikane ku magambo yo mu ndirimbo ‘Amasoko y’ubugingo’; “Dusanze umutima waduhaye kumenya gufashanya, gukunda bose by’ukuri kwita ku mbabare n’indushyi no kumenyesha abakene umukiro.”

 

Groupe Vocationnel mu ngaga za Papa zishinzwe iyogezabutumwa

Papa Fransisko, Photo/internet

Ingaga za Papa (OPM) ni uburyo Papa yifashisha kugira ngo Ivanjili igere ku isi hose; bukenera inkunga zitandukanye z’abakristu zikusanywa ku minsi mpuzamahanga yahariwe izo nganga, zikoherezwa i Roma mu kigega rusange. Izo mfashanyo zifashishwa mu iyogezabutumwa, hibandwa ku bihugu bitaratera imbere mu Ivanjili. Ingaga za Papa zifite amashami ane yagiye ashingwa n’abantu batandukanye;

Ishami ry’ibikorwa bya Papa rishinzwe iyogezabutumwa mu bana: (Oeuvre de l’Enfence missionnaire/ Pontifical Missionary Childhood) ryashinzwe na Myr Ogusto Charles de Forbin Jonson, umwepiskopi wa nansi mu bufaransa mu 1843 agamije gushyigikira imibereho myiza y’abana. Iri shami ryinjiye mu bikorwa bya Papa tariki ya 3 Gicurasi 1922. Mu Rwanda, uyu munsi wizihizwa ku cyumweru cya gatatu cy’ukwezi kwa kabiri, naho ku isi ukizihizwa ku munsi mukuru wa Epifaniya tariki ya 6 Mutarama.

Ishami ry’ibikorwa bya Papa rishinzwe ihamagarwa ry’abiyeguriyimana: (Oeuvre de Saint Pierre Apôtre, Work of Saint Peter Apostle) ryashinzwe mu 1889 n’umulayikikazi Jeanne Bigard i Caen mu bufaransa. Iri shami naryo ryashizwe mu bikorwa bya Papa tariki ya 3 Gicurasi 1922, rikaba ritera inkunga abaseminari, guhemba abakozi bo mu iseminari, gushaka ibikoresho byaho, imishinga y’ubwubatsi mu maseminari, kurihira abapadiri n’abaseminari cyane cyane abiga i Roma. Umunsi mpuzamahanga waryo uba ku cyumeru cya kane cya Pasika, icyumweru cy’Umushumba Mwiza.

Ishami ry’ibikorwa bya Papa rishinzwe iyogezabutumwa ku isi: (Oeuvre pour la propagation de la foi/ society for propagation of faith) ryashinzwe n’umulayikikazi w’umufaransa witwa Pauline Marie Jaricot w’i Lyon ku wa 3 Gicuransi 1822. Abitewe no gusabira ibihugu bitaramenya Inkuru Nziza, Jaricot yakusanyaga inkunga yo gufasha abamisiyoneri mu bihugu bitandukanye by’isi. Ryasizwe mu bikorwa bya Papa kuwa 3 Gicurasi 1922 nyuma y’imyaka 100 ritangiye. Umunsi mpuzamahanga waryo uba ku cyumweru cya nyuma cy’ukwezi kwa cumi. Iri shami ritera inkunga mu gutunga abapadiri, kubashakira ibikoresho by’akazi, abakatejisiti, kubaka kiliziya, amacumbi y’abapadiri, ibigo by’iyogezabutumwa, amahugurwa, imyigishirize y’iyogezabutumwa, ...

Ishami ry’abaharanira ko haboneka abogezabutumwa: (Union Pontificale Missionnaire) Ryashinzwe mu 1916 na Padiri Pawulo MANNA, umumisiyoneri wamaze imyaka 12 yamamaza Ivanjili muri Birmanie. Pawulo yarishinje agamije gushishikariza abalayiki by’umwihariko abapadiri n’abiyeguriyimana kwitabira kuba abogezabutumwa no kubashigikira. Iri shami nta munsi mpuzamahanga rigira ahubwo inkunga yaryo inyuzwa mu biro bya diyosezi bishinzwe Ingaga za Papa zishinzwe iyogezabutumwa. Aya mashami yose uko ari ane yinjiye mu bikorwa bya Papa kuwa 3 Gicurasi 1922.

Groupe Vocationnel ifitanye isano yahafi n’Ingaga za Papa cyane cyane Ishami rishinzwe ihamagarwa ry’abiyeguriyimana kuko yibanda ku gusobanukirwa n’umuhamagaro muri Kiliziya, harimo n’uwo wo kwiyegurira Imana. Groupe Vocationnel ihuza abayiteraniramo ku cyumeru cya kane cya Pasika, icyumweru iri shami ryizihizwaho. Mu buryo dukoresha harimo n’ubukoreshwa mu iyogezabutumwa ry’abana; Abavokasiyoneri ntitujya kure y’urugendo rw’intambwe enye dusanga mu iyogezabutumwa ry’abana, kuko natwe tugamije guhindura imitima y’abantu (iyogezabutumwa rigamije guhindura imitima y’abantu) ndetse tukaba twifitemo n’abana benshi babarizwa mu matsinda yabo anyuranye. Iyo nyabune ni iyi ikurikira.  Kumva Ijambo ry’Imana, Kumenya icyo ryakumarira, Kumenya icyo ryamarira abandi no Kujya mu butumwa