Diyosezi ya Byumba 2025-2026: Abasaseriodti bahawe ubutumwa

Umwepiskopi wa Diyosezi ya Byumba Myr. Musengamana Papias yatanze ubutumwa ku basaseridoti b’iyi diyosezi mu byiciro bitandukanye. 

Hatanzwe ubutumwa mu maparuwasi 25, ibigo by’amashuri, serivisi rusanjye za diyosezi n’izihuza amadiyosezi. 

Hari abapadiri batumwe gutegura ishingwa ry’amaparuwasi; Rubaya na Shangash, abandi kongera ubumenyi no gukorewra ubutumwa butandukanye bwa gisaseeidoti mu mahanga (Pastorale fidei donum). 

Inyandiko ya Diyosezi yo kuwa 30/6/2025 igaragaza uko abasaseridoti bahawe ubutumwa mu mwaka wa 2025-2026, igasaba ko abahawe ubutumwa bushya bagomba kuba bageze aho batumwe bitarenze kuwa 30/07/2025.

download the pdf document

Follow @EliasTwishime

Ntihazagire ikibabuza kwishimira mu muzabibu wa Nyagasani

“Ubu twamenye ko uwihayimana adahambanwa ikara ahubwo ahambanwa ikuzo, ni nacyo mbifuriza bavandimwe banjye muzahambanwe ikuzo, kubera ko twakoreye Imana ikaduherekeza kugeza uyu munsi.”

Kuri iki cyumweru tariki ya 29 Kamena 2025, mu gitambo cya Misa cyayobowe na Nyiricyubahiro Antoine Karidinali Kambanda Arikiyepiskopi wa Kigali. Ni igitambo cyahimbarijwemo yubile y’imyaka 25 ku bapadiri 4 b’abapalotini: Yubile y’imyaka 25 y’Ubusaserdoti ya Padiri Chrysante Rwasa wo muri Paruwasi ya Masaka muri Arikidiyosezi ya Kigali na Padiri Gérard Kamegeri wo muri Paruwasi ya Goma muri RDC akorera Ubutumwa mu Gihugu cya Kanada.

Hijihijwe kandi yubile y’imyaka 25 y’Amasezerano yo Kwiyegurira Imana kuri Padiri Jules- Eusèbe Mutabaruka wo muri Paruwasi Katederali ya Kibungo ubu akorera ubutumwa mu Gihugu cy’u Bufaransa na Padiri Faustin Juvénal Ndagijimana wo muri Paruwasi ya Nyakinama ubu akorera ubutumwa mu Gihugu cya Belgique.

Padiri Eugene Niyonzima umuyobozi w'umuryango w'abapalotini mu karere k'ibiyaga bigari akaba n'Umuyobozi w'Ihuriro ry'Imiryango y'Abihayimana, yasabye Abapalotini kudakwanga n’amabavu kuko ari yo shema ry’umuhinzi, gutera umugongo ibicantege byose, bagahorana ibyishimo mu muzabibu wa Nyagasani. (Indi nkuru wasoma: Inshamake ku muryango w’Abapalotini mu Rwanda).

Padiri Eugene Niyonzima

Guhimbaza yubile ni uguhimbaza ibiyigize, kuko ntacyo byaba bimaze kuyihimbaza nta kigaragara wamariye abantu n’Imana. Ni byo Padiri Eugene Niyonzima yavuze, ati : “Guhimbaza yubile y’imyaka 25 ni ibiyigize kuko hari n’igihe wayimara ntacyo wigeze umarira abantu n’Imana, uyu munsi turashimira Imana kubw’aba bavandimwe b’abapadiri b’abapalotini, Padiri Chrysante Rwasa, Padiri Gérard Kamegeri, Padiri Jules- Eusèbe Mutabaruka na Padiri Faustin Juvénal Ndagijimana, dushimira Imana ubudahemuka bwabo kuri Nyagasani, ni byinshi ubwo budahemuka bwagejejeho”.

Padiri Niyonzima yibukije Abapalotini ko ntagikwiye kubabuza kwishimira ubutumwa bwabo, baba rwagati mu muzabibu wa Nyagasani. Yagize ati: “Kabone n’ubwo mwaba muri mu magorwa akomeye ntihazagire ikibabuza kwishimira mu muzabibu wa Nyagasani, muzaba mwubashye umubyeyi wacu Vincent Pallotti udusaba guhorana ibyishimo kabone n’ubwo twanyura mu magorwa akomeye”.  

Padiri Nyonzima yasabye abapalitini kwishimira kwiyuha akuya mu butumwa bakora no kudakangwa n’intege nke aho zaturuka hose, bakazirikana ko amabavu ari ishema ry’umuhinzi. Ati: “Nuhinga ntuzane amabavu ntacyo uzaba wakoze, amabavu niyo shema ry’umuhinzi, Padiri Chrysante Rwasa ntibigutere ubwoba, iyo buji yaka iranashira, iranashonga, iruta igihumbi zibitse, ubaye uwihayimana wanga gucana itara ngo udashira ntacyo uzaba umaze, bavandimwe banjye imyaka 25 ishize mwaratse nimukomeze mwake nibaramuka batoraguye udushashara bagashyira hariya ntacyo bizaba bivuze”.  

Padiri Eugene Niyonzima umuyobozi w'Umuryango w'Abapalotini mu karere k'ibiyaga bigari akaba n'Umuyobozi w'Ihuriro ry'Imiryango y'Abihayimana, aherey ku mvugo yo “Guhambanwa ikara” abantu bamwe bakoresha batambamira icyifuzo cyo kwiyegurira Imana, yabwiye abihayimana ko badahambanwa ikaro ahubwo ikuzo. Yagize ati: “Ubu twamenye ko uwihayimana adahambanwa ikara ahubwo ahambanwa ikuzo, ni nacyo mbifuriza bavandimwe banjye muzahambanwe ikuzo, kubera ko twakoreye Imana ikaduherekeza kugeza uyu munsi.”

Kuri uyu munsi w’Abatagatifu Petero na Pawulo, Ni umunsi wagiye uhurirana no kwakira Ingabire y’ubusaserdoti no kwakira iyo kwiyegurira Imana ku muryango w’abapalotini mu Rwanda ari nayo mpamvu uyu Imbaga y’Imana yo muri Paruwasi ya Gikondo n’inshuti bishimiye guhimbaza yubile y’imyaka 25 ku bapadiri 4.

Stepped towards canonization, June 20, 2025

On June 20, 2025, During the audience granted to His Eminence Cardinal Marcello Semeraro, prefect of the Dicastery for the Causes of Saints, the Supreme Pontiff authorized the same Dicastery to promulgate the Decrees regarding the miracle that occurred by the intercession of the Venerable Servant of God, the martyrdom of the Servants of God and the heroic virtues of the Servant of God. The Dicastery for the Causes of Saints promulgated the Decrees regarding: 

- the miracle that occurred by the intercession of the Venerable Servant of God Valera Parra, diocesan priest, archpriest and parish priest of Huércal-Overa, born on 27 February 1816 in Huércal-Overa, Spain, and died there on 15 March 1889;

- the martyrdom of the Servants of God Manuel Izquierdo, diocesan priest, and 58 companions of the diocese of Jaén, Spain, killed between 1936 and 1938, in hatred of the faith, in various places in Spain, in the context of the same persecution;

- the martyrdom of the Servants of God Antonio Montañés Chiquero, diocesan priest, and 64 companions of the diocese of Jaén, Spain, killed between 1936 and 1937, in hatred of the faith, in various places in Spain, in the context of the same persecution;

- the martyrdom of the Servants of God Raimond Cayré, diocesan priest, Gerard Martin Cendrier, professed religious of the Order of Friars Minor, Roger Vallée, seminarian, Jean Mestre, lay faithful, and 46 companions, killed between 1944 and 1945 in hatred of the faith, in various places, in the context of the same persecution;

- the heroic virtues of the Servant of God Raffaele Mennella, professed cleric of the Congregation of the Missionaries of the Sacred Hearts, born on 22 June 1877 in Torre del Greco, Italy, and died there on 15 September 1898;

- the heroic virtues of the Servant of God João Luiz Pozzobon, permanent deacon and father, born on 12 December 1904 in the district of Cachoeira, in the State of Rio Grande do Sul, Brazil, and died in Santa Maria, Brazil, on 27 June 1985;

- the heroic virtues of the Servant of God Teresa Tambelli (née Maria Olga), professed religious of the Daughters of Charity of Saint Vincent de Paul, born on 17 January 1884 in Revere, Italy, and died on 23 February 1964 in Cagliari, Italy;

- the heroic virtues of the Servant of God Anna Fulgida Bartolacelli, lay faithful, of the Association of Silent Workers of the Cross, born on 24 February 1928 in Rocca Santa Maria, Italy, and died on 27 July 1993 in Formigine, Italy. (Source: Holy See Press Office)

Know the recent appointed Bishops

On June 20, 2025; His Holiness Pope Leo XIV has graciously appointed two Bishops: 

Msgr. Germán Humberto Barbosa Mora, of Engativá diocese clergy, has been appointed auxiliary bishop of Bogotá, Colombia and Msgr. José Luis Cerra Luna, of Matamoros-Reynosa diocese clergy, as bishop of Nogales, Mexico.

These are the most recent appointed Roman Catholic bishops.

Appointment of auxiliary bishop of Bogotá, Colombia 

The Holy Father has appointed the Reverend Germán Humberto Barbosa Mora, of the clergy of the diocese of Engativá, until now episcopal vicar of the vicariate of Nuestra Señora del Rosario in Suba and parish priest of Madre de la Divina Gracia in Suba, assigning him the titular see of Uzali. 

Curriculum vitae 

Msgr. Germán Humberto Barbosa Mora was born in Bogotá on 24 December 1974. He carried out his studies in philosophy and theology at the Seminario Mayor de Bogotá, and obtained a licentiate and doctorate in moral theology from the Pontifical Gregorian University in Rome. He received priestly ordination for the metropolitan archdiocese of Bogotá on 2 December 2000. In 2003, he was incardinated in the new diocese of Engativá at the moment of its creation. 

He has held the following pastoral assignments:

• Parochial Vicar of the Parish of St. John the Baptist de la Estrada (2001).
• Parish Priste of the Parish of Our Lady of Copacabana (2002–2005).
• Studies at the Pontifical Gregorian University, Rome (2005–2007).
• Parish Priest of the Parish of Our Lady of the Rosary, Cota (2007–2011).
• Parish Priest of the Cathedral of Engativá St. John the Baptist de la Estrada (2011–2013).
• Doctorate in Moral Theology at the Pontifical Gregorian University, Rome (2013–2016).
• Formator and Vocations Animator Delegate at the Major Seminary of Bogotá (2017–2019).
• Episcopal Vicar of the Vicariate Our Lady of the Rosary and Member of the Episcopal Council of the Diocese of Engativá (2019–2025).
• Director of the San Lorenzo Seminary House in Cota (2020–2023).
• Parish Priest of the Parish of Divine Grace in Suba (2023–2025).

Appointment of bishop of Nogales, Mexico 

The Holy Father has appointed Msgr. José Luis Cerra Luna, of the clergy of the diocese of Matamoros-Reynosa, until now vicar general of the same diocese, as bishop of Nogales, Mexico. 

Curriculum vitae 

Msgr. José Luis Cerra Luna was born in Torreón, State of Coahuila, on 24 July 1963, He studied in the seminary of Matamoros and Monterrey, and was ordained a priest on 21 April 1990, and incardinated in the diocese of Matamoros-Reynosa. He was awarded a licentiate in philosophy at the Universidad Pontificia de México and a licentiate in spiritual theology from the Pontifical Theological Faculty and Pontifical Institute of Spirituality Teresianum in Rome. 

Studies Completed:

·       Studied Philosophy at the Seminary of Monterrey (1981–1984).

·       Studied at the Pontifical University of Mexico from 1985 to 1991, where he obtained a Bachelor's degree in Theology and a Licentiate in Philosophy.

·       Studied at the Pontifical Institute of Spirituality, Teresianum, in Rome, Italy, from 1997 to 1999, where he obtained a Licentiate in Theology with a specialization in Spiritual Theology.

Positions Held in His Priestly Ministry:

·       Served as Bursar, Professor, and Spiritual Director at the Seminary of Matamoros from 1991 to 2007.

·       Has been Parish Priest of the following parishes:

o   Our Lady of the Assumption in H. Matamoros, Tamaulipas (2007),

o   Our Lady of San Juan de los Lagos in Río Bravo, Tamaulipas (2013),

o   And the Co-Cathedral Our Lady of Guadalupe in Reynosa, where he has served as Pastor since 2019 and as Rector since 2024.

·       He is a member of various diocesan councils and has served as Moderator of the Operational Council for the Protection of Children and Vulnerable Adults in the Diocese since 2019.

·       Currently, he is the Vicar General of the Diocese of Matamoros–Reynosa since 2019 and has also been the Legal Representative of the Diocese since 2009.

Nkotsi, umurenge wihariye ku mateka y'Abami b’u Rwanda

Nkotsi ni umwe mu mirenge cumi n’itanu igize Akarere ka Musanze, ikaba igizwe n’utugari dutanu: Mubago, Gashinga, Ruyumba, Rugeshi na Bikara. 

Uyu murenge uherereye mu majayepfp y’Akarere, ugahana imbibi n’imirenge ine ari yo Busogo, Kimonyi, Muko na Rwaza, mu gice cy’Akarere ka Musanze n’Akarere ka Nyabihu.

Ubukungu bw’abaturage bushingiye ku bikorwa by’ubuhinzi, ubworozi n’ubucuruzi. 

Bimwe mu byo wasura mu murenge wa Nkotsi 

‘Nkotsi na Bikara’, aho Abami b’u Rwanda bimikirwaga. 

Nkotsi na Bikara, ni agace ko mu murenge wa Nkotsi. Ni agace gafite amateka yihariye ku bami b’u Rwanda, kuko ariho rukumbi rukumbi himikirwaga abami. Aha ahantu hari iriba ry’amazi adakama, n’ishyamba ry’inzitane ryitiriwe umwami Gihanga Ngomijana, riri ku buso bwa hegitari 11. Bamwe mu basaza bayirukiye muri Nkotsi bavuga ko inkomoko y’iriba ry’amazi ifitanye isano n’Umwami Gihanga waharuhukiye avuye mu Ndorwa. 

Mvuyekure Yohani Bosco ati “Aho hantu Umwami Gihanga yaharuhukiye ubwo yari avuye mu Ndorwa aho yari yajyanye mushiki we, mu kugaruka yanga gusubira mu nzira yanyuzemo agenda, agaruka anyuze mu Murera.Yaraje aruhukira hano muri Nkotsi, aho yafashwe n’inyota abonye iri riba, adaha amazi ayasomaho. Ayo yari asigaje mu ruho ayamena imusozi, ahaca ikiraro avuga ko ari uburuhukiro bw’umwami, amaze kuharuhukira asubira i Nyanza”.  

Hategekimana Yosefu, umukozi w’Ikigo cy’igihugu cy’iterambere RDB ushinzwe gusobanurira amateka abasura aka gace, avuga ko Nkotsi yitiriwe iryo shyamba ry’umwami riri ku buso bwa hegitari 11, naho iriba ryo rikitirirwa Bikara, ari ho havuye inyito Nkotsi na Bikara. Yongeraho ko ko Iriba rya Bikara ariryo bakuragaho amazi umwami yagombaga kwiyuhagira mbere yo kwimikwa. Ati “Bamuvanaga i Nyanza cyangwa mu zindi mpande zinyuranye z’igihugu, akaza hano aje kwimikwa yamaze gutoranywa ko agomba kuba Umwami. Nibwo bamuzanaga hano i Buhanga bitiriye Gihanga, bakamukorera imihango yo kumwimika. 

Ni imihango yakorerwaga n’abo bita Abiru bavuka hano i Buhanga, harimo uwitwa Komayombi, Semabumba na Buhindura, bamara kumukoreraho iyo mihango bakamuha imitsindo akajya kuyerekana i Nyanza ko ayivanye aho kwa Gihanga, yamufashaga kuyoboraga igihugu nta kintu kimukomye imbere, yatera agatsinda bamutera ntibamutsinde kubera ya mitsindo”. Bimwe mu biteye amatsiko ku iriba rya Bikara birimo ko mu gihe cy’impeshyi yuzura akameneka ku mpande, ariko mu gihe cy’imvura akagabanuka. Bivugwa kandi ko abami b’u Rwanda hafi ya bose bahageze, usibye Kigeri V Ndahindurwa, watangiye hanze y’Urwanda. Muri Nkotsi na Bikara, niho usanga: 

I Buhanga kwa Gihanga, agace kabumbatiye amateka y’iyimikwa ry’abami 

Ni agace nyaburanga gakorerwamo ubukerarugendo, kabumbatiye ibintu byinshi byarangaga umuhango wo kwimika Abami mu Rwanda rwo hambere. Gaherererye mu Kagari ka Bikara. Muri aka gace, hari Inzu y’umwami yari inzu imanitse hagati y’ibiti bibiri binini. Hategekimana Yosefu ati “Yari inzu ya Kinyarwanda isakaje ibyatsi, ntiyigeze isenywa ahubwo yageze aho irahanuka. Buri wese wajyaga kuba umwami yagombaga kwinjira muri iyo nzu agahabwa imigisha n’Abiru (Abagaragu b’umwami), akaba ari imihango yakorwaga mbere y’uko umwami yima ingoma. Iyo nzu yari ifite ibyumba bitatu; kimwe cyicarwagamo n’umwami, icyo yabikagamo ibye n’icyo abamusuraga bamutegererezagamo; iki cyumba kandi ni nacyo Abiru bicaragamo bari mu migenzo yabo.”

Hategekimana Yozefu, usobanurira abakerarugendo ku buryo bwimbitse amateka ya ‘Buhanga kwa Gihanga’ avuga ko izina ‘i Buhanga kwa Gihanga’ “rituruka ku mwami wa mbere wategetse u Rwanda witwaga Gihanga bikaba bivugwa ko yatuye muri kano gace.” Aka gaci kagizwe ahanini n’ishyamba, karangwa n’umutuzo ndetse n’ibiti by’ubwoko butandukanye budakunze kugaragara hirya no hino mu Rwanda. Hagaragara ibimenyetso byifashishwaga mu kwimika abami mu myaka yo hambere, wumva neza iyo ubusobanuriwe n’umukozi w’ikigo cy’igihugu cy’iterambere (RDB) uhakorera buri munsi. 

Igiti cy’inyabutatu y’Abanyarwanda 

Ni igiti kigaragara mu ishyamba rya Buhanga. Iyo utacyitegereje neza ubona ari kimwe, wacyitegereza neza ugasanga kigizwe n’amoko atatu atandukanye y’ibiti; n’umuvumu, Umusando n’Igihondohondo, bifatanye byose mu buryo busa n’amayobera. Ibi Bwana Hategekimana abisobanura agira ati “Iki giti kivuze byinshi ku mateka y’Abanyarwanda kuko iyi nyabutatu ni amako atatu yuzuzanyaga y’Abanyarwanda abazungu bataraza ngo bayatanye.” 

Iriba rya Nkotsi na Bikara 

Iri riba ryari Icyuhagiro cy’umwahi. Hari abavuga ko umwami yashyirwaga muri iryo riba, akogeshwa amazi ‘azira inenge’ yaryo hagamijwe kumurinda abanzi bashoboraga kumutera. Nyuma yo koga ayo mazi, yagombaga guhita ayobora inama imihuza n’abagaragu be bakuru n’Abiru, akababwira imigabo n’imigambi afite mu gihe cy’ubutetsi bwe. Mu mwaka wa 2006, nibwo Leta y’u Rwanda yongeye agace ka Buhanga kuri Parike y’Igihugu y’Iburanga kugira ngo abasura iyo parike na ko bajye bagasura. 

Ibikorwa by’amahoteli 

Nkotsi ni Umurenge utarasigaye inyuma mu rwego rw’amahoteli kuko tuyisangamo amahoteli atandukanye arimo “Classic Resort Lodge”, Hoteli y’inyenyeri enye ikaba ifite ibyumba 32 birimo 11 byubatse mu buryo burengera ibidukikije (eco-lodges) n’ibindi bikorwa remezo bifasha abantu mu myidagaduro, siporo, kwinezeza no kuruhuka. Hari kandi “Red Rocks Rwanda”, hoteli y’inyenyeri imwe, nayo ifasha abantu mu buryo butandukanye, ibaha serivisi nziza kandi yuje ubwuzu. Umurenge wa Nkotsi uzwiho kandi kuba ubumbatiye amateka y’imikwa ry’abami b’U Rwanda rwo hambere. 

Sura Umurenge wa Nkotsi, usobanurirwe byinshi by’amayobera kuri Nkotsi na Bikira, birimo n’uko Burugumesitiri washatse kuvogera Iriba rya Bikara yaburiwe irengero. (yakuwe kuri Musanze District)

ABA YEZU BAMWAMAMAZA NTA NZIKA, INZANGANO N'INZIGO

Amasomo n'inyigisho yo kuwa gatandatu w'icyumweru cya VII cya Pasika, Umwaka C w'igiharwe (kuwa 07/06/2025). Amasomo matagatifu: Intu 28, 16-20. 23b-24. 28. 30-31; ZABURI: Zab 11(10), 4, 5a. 7; Ivanjili Ntagatifu: Yh 21, 20-25.

Uwarinze Pawulo Intumwa akamugeza i Roma ngo ahavugire izina rye rigamije gukiza amahanga yose, Uhanurira Petero ibizamubaho kugira ngo aheshe izina rye ikuzo, Uhamagarira Petero Intumwa gukurikira Yezu Kristu atarangajwe n’abantu abo ari bo bose, Nyagasani Yezu Kristu muzima wapfuye akazuka, aje dusanga uyu munsi mu ijambo rye kugira ngo akomeze aduhaze umunezero isi idashobora kuduha cyangwa se kudushikuza.

Mu isomo rya mbere, baratwereka Pawulo Intumwa agera i Roma ari imfungwa, ariko nyamara agahabwa uburenganzira bwo kuba yagira abantu avugisha kandi na we ntiyatinya kubikora. Ntiyatewe isoni n’uburoko yari arimo, cyangwa se no kwitwa imfungwa, kuko yari azi neza uwo azira. Ikindi kandi kuba imfungwa kwe byabaye intandaro yo kugira ngo abohore benshi. Ugufungwa kwe, kwabaye intandaro yo kugira ngo abohore roho nyinshi, azimenyesha Yezu Kristu. Kubw’inyuma yari imfungwa. Ariko nyamara mu maso y’ijuru yari umubohozi mu izina rya Yezu. Yezu Kristu yamamazaga yari afite ububasha bwo kubohora abantu ku minyururu y’icyaha n’urupfu.

Nk’uko rero isomo rya mbere rirangiza ribivuga ati” Yigisha ibyerekeye Yezu Kristu nta nkomyi kandi ashize amanga.” Biratangaje! Ni igitangaza kubona umuntu wahuye n’ibibazo nk’ibye; ibyo ushobora kubyumva usubiye inyuma ugasoma igitabo cy’Ibyakozwe n’Intumwa nyine uhereye mu mutwe wa cumi na gatatu, cyangwa se wenda no mu mutwe wa cyenda, ingorane zose yagiye ahura na zo. Nk’ubwo yageze i Roma ari imfungwa, ariko tuzi ibyari byabaye igihe ubwato bubashwanyukiraho bakagomba guca ku kirwa cya Marita, bakazahava bajya i Roma.

Ibyo byose mu by’ukuri yagombye kugera i Roma kubw’abantu yahahamutse! Nta muntu ashaka no kureba, yuzuye ubwoba, cyangwa se urwango. Adashaka abantu: “Abantu muri babi nimujyende! Nta muntu n’umwe nshaka ko anyegera! Nimugende mwa Bayahudi mwe b’abagome!”  Ibyo ngibyo mu by’ukuri kubw’abantu ni uko yagombaga kugera i Roma ameze. Nyamara kubwa Roho Mutagatifu si uko byagenze. Ubwo Abayahudi bamusabiraga urupfu, mu gihe Abanyaroma bavugaga bati” Uyu muntu ni umwere”, ntabwo yavuye i Yeruzalemu yumva Abayahudi ari abantu babi bagomba kwangwa, bagomba guhigwa, ahubwo yaje abashaka. Abashakisha yuje urukundo. Ashaka kubamenyesha Inkuru Nziza y’umukiro. Kubabwira ukuri. Nguwo Roho wa Yezu uko akora. Ni urukundo rusa mu mitima y’intumwa ze.

Ntabwo urwango rushobora kwinjira mu mutima w’abantu bamamaza Yezu Kristu ngo barwemerere. Bavuga ngo “Bariya bantu! Mwebwe mwese muri kimwe! Nimugende. Jyewe Inkuru Nziza nzayimenyesha aha n’aha! Bariya nibazibe! Biriya bigome!” Ubwo ni uburyo bwo gukora bw’abantu. Abo Roho Mutagatifu akoresha ntibakora batyo. Abafite Roho Mutagatifu ahubwo bagenda bashaka abo ngabo bazi neza ko buzuye inabi, bacumbitsemwo inabi, kugira ngo bayibasenyemo bakoresheje Urumuri rwatsinze inabi nyine, Yezu Kristu wapfuye akazuka.

Pawulo Intumwa rero ni uko yagiye yishimiye kwakira abo Bayahudi. Ntabwo yagize ubwoba ngo avuge ati “ Eee! None aba Bayahudi bakongera kungambanira bakankura n’aho nari ndi! dore nari mbakize mvuye i Yeruzalemu none nongere mpure na bo? Oya. “Pawulo Intumwa si uko yabigenje Pe. Yagiye yuje urukundo arabakira, akakira abamushakaga bose. Nk’uko nyine batubwira hariya nyine, amara imyaka ibiri yose mu icumbi yirihirira, akakira abamugenderera bose, atarobanuye: ngo bariya bo nibagende!  Inkuru Nziza ya Yezu Kristu ntirobanura cyangwa ntabwo ari iye.

Umuntu kandi ashobora gukoresha Yezu Kristu mu buryo bwa kimuntu; Gukoresha Inkuru Nziza mu buryo bwa kimuntu. Akumva ahari ko hari abo agomba kuyibwira, abandi ntayibabwire. Akumva ko hari abo agomba kwakira, abandi ntabakire. Ibyo byose ni ibishuko by’abo Nyagasani Yezu Kristu yohereza. Kuko sekibi na yo ntireka kubagendaho. Sekibi ibiba urwango mu bantu. Cyane cyane iyo hari ababagiriye nabi cyangwa se ababigerageje. Aho kugira ngo umuntu avuge ati “Ndababariye na Yezu Kristu yarambabariye” cyangwa se ngo yumve ko abo ngabo yumva ko ari babi, ari bo bakeneye kubwira urukundo Yezu Kristu aduha ku buntu, no kuruherezwa kugira ngo barwakire rubabesheho, kuko umuntu wese wanga undi nta buzima aba afite, nk’uko Yohani Intumwa abitwigisha, Abo bose bakeneye kwakira urwo rukundo.

Kandi ntawakira urukundo ateretswe. Kwerekwa urukundo rero gukuru ni ukumenyesha Yezu Kristu. Umuntu wese ukumenyesha Yezu Kristu wapfuye akazuka, aba agukunda kuruta abandi bantu bose.  Kubera ko ibindi byose abandi bakubwira nta na kimwe gishobora kuguha ubugingo bw’iteka. Kabone n’aho yaba akubwira ko agukunda akaba ari wowe yahisemo, akaba ari we muzabana mugashyingirwa. Ariko se nyuma y’aho? Urupfu niruza se? Nyamara umuntu ukumenyesha Yezu Kristu we, aba arimo kugukingurira amarembo y’Ubugingo bw’Iteka. Ni yo mpamvu Abatagatifu ari bo batanze ubuzima bwabo, bakitanga rwose kugira ngo isi ibone ko Yezu Kristu ari muzima, ari bo badukunda ba mbere. N’undi muntu wese ushaka kudutagatifuza, ushaka kutwereka uruhanga rwa Yezu Kristu uwo nguwo adufitiye urukundo nyarwo. Urukundo ruzima.

Nguko rero uko Pawulo yahingutse i Roma nyine yuje urwo rukundo, ashaka ko abantu bose ahuye na bo, bahura na Yezu Kristu Umukiza bakamumenya bakamwakira. Kuko yari azi neza kubwa Roho Mutagatifu itegeko rya Kristu, ririya aha Petero. Ati “Uriya we mwihorere jyewe nkurikira.”

Wowe nkurikira: Wivuga ngo abantu bakugiriye nabi, ngo barakwanze, baraguhemukiye, ngo ni abagome ngo ni ibiki byose, ngo hanyuma na we ubonereho ubakurikire bo ubwabo mu nabi yabo, aho gukurikira Yezu Kristu Rukundo.

Uyu minsi Yezu arakubwira ati “Bariya bihorere nkurikira.” Nkurikira kandi ni na nkurikiza. Akira urukundo rwange uruhe bose. Bose ubamenyeshe umukiro undimo kandi akaba ari jye urimo gusa. Ubamenyeshe ko napfuye kandi nazutse ntazongera gupfa bibaho. Mfite ububasha bwo kwica urupfu n’icyaha. Kubeshaho abanyemera bose.

Urwo rukundo rero Pawulo intumwa yari yuzuye, uyu munsi turusabire Kiliziya yose, abantu bose bamamaza Yezu Kristu. Kugira ngo aho bahingutse, uwo muntu wese ugiye mu butumwa ahantu ahinguke yuzuye urwo rukundo. Urwo rukundo rwa Yezu Kristu, urwo rukundo rw’umushumba witeguye kwitanga mu izina rya Yezu Kristu kugira ngo Yezu amenywe; nk’uko Yezu Kristu yitanze kugira ngo Se amenywe, akundwe.

Uwo Roho Mutagatifu rero nadusendereze urwo rukundo mu izina rya Yezu. We wari wasendereye Pawulo intumwa nadusendere natwe. Nasendere abakristu bose twuzure urwo rukundo ruduhuriza twese muri Kristu. Kandi rugatuma dukora ubutumwa, abo dukorera ubutumwa tubakunze muri Kristu.

Kuba umuhamya wa Yezu ni uguhara amagara kubera Ivanjili

Amasomo n'inyigisho byo kuwa kabiri w'icyumweru cya VII cya pasika, umwaka C w'igiharwe (kuwa 03/06/2025). Abatagatifu: Abahowe Imana b'i Bugande, Karoli Lwanga, Kizito. 

Amasomo matagatifu

Isomo rya mbere : Intu 20, 17-27. Zab 68(67), 10-11, 20-21. Ivanjili Ntagatifu: Yh 17, 1-11a.

Inyigisho yateguwe na Padiri JEREMIE HABYARIMANA. 

Yezu Kristu akuzwe!

Nyagasani Yezu Kristu wapfuye akazuka rero, ahingutse imbere yacu uyu munsi mu ijambo rye, kugira ngo akomeze atuyobore urugendo rugana Pentekositi Ntagatifu, umunsi w’isenderezwa rya Kiliziya yose nzima, ingabire za Roho wa Yezu, ingabire za Roho wa Data. Kugira ngo buri wese yivuye inyuma ahamye rwose nta gihunga, ko Yezu Kristu yapfuye kandi yazutse, ko Yezu Kristu ari muzima, ko Yezu Kristu ari Umutegetsi n’Umukiza kandi ibyo bikagaragazwa n’ubuzima bwa buri wese bwahonotse icyaha n’urupfu.

Nyagasani Yezu rero akomeje kutwereka mu ijambo rye ububasha bwa Roho Mutagatifu umukoreramo We ubwe igihe asabana na Se, ububasha bwa Roho Mutagatifu ukorera mu bigishwa be cyane cyane ukorera mu ntumwa ze igihe zigomba kumwamamaza, igihe zigomba kumuvuga. Uwo Roho ni urukundo.

Roho w’urukundo amaze gusendera muri Pawulo Intumwa, amaze kumwumvisha ko agomba kujya i Yeruzalemu kandi atamuhishe ibyago azahahurira na byo ahubwo amuhaye imbaraga zo kubyemera. Kubera urukundo rwa Yezu yiteguye rwose guhara amagara ye ntacyo atinye kubera urukundo Roho Mutagatifu yari yamwujujemo agakunda Yezu Kristu n’abe bose. Uwo Roho yamushyizemo igitekerezo cyo guhamagaza abayobozi ba Kiliziya ya Efezi  kugira ngo ababwire akajambo kuje urukundo. Ijambo ryuje urukundo yari ababikiye ku mutima.

Yezu Kristu na we yuzuye uwo Roho w’urukundo, yasanze noneho gukomeza gusenga Se mu bwiherero, igihe cyari kigeze rwose ngo amagambo asanzwe abwira Se, n’intumwa ze zumve ubuyo ari amagambo ateye ubwuzu, yuje urukundo. Yezu kubera urukundo yakundaga Se, yakundaga abe, yiyemeza gusenga mu ijwi riranguruye abwira Se amagambo y’agatangaza, amagambo yuzuye urukundo.  

Ari Pawulo  Roho Mutagatifu atwereka uyu munsi, ari na Yezu Kristu, urwo rukundo rwabo (urwo rukundo rwari  rubarimo), Roho Mutagatifu natwe arashaka kurushyira muri twe, kugira ngo tugire urukundo rutuma tutatinya guhara amagara yacu dukiza Roho z’abandi. Tugire urukundo, rutuma tudatinya kubwiza ukuri abo tugomba kukubwira, kugira ngo bakize roho zabo mu izina rya Yezu Kristu wapfuye akazuka. Kugira ngo tugire urukundo rutuma dusenga Data tumukunze, rutuma dusengera muri Roho Mutagatifu, muri Roho w’urukundo, atari ibyo guhuragura amagambo gusa, cyangwa se kuvuza induru kubera ko umuntu ageze mu bibazo, ahubwo isengesho rivuye ku mutima kubera urukundo ukunda So Uhoraho, kubera urukundo ukunda Yezu Kristu, Kubera urukundo ukunda Roho Mutagatifu, kubera urukundo ukunda Abatagatifu wiyambaza, wuzuye urwo rukundo kandi ushaka guhinduka rwo kugira ngo abakwegereye urubabubaganizemo igihe n’imburagihe ukoresheje amagambo yawe, ubikora. Byose bizagenda bibereka ko bakunzwe koko na Yezu Kristu.

Yezu Kristu udashobora kubabeshya, Yezu Kristu udashobora kubagirira imigambi mibisha. Yezu Kristu udashobora kubanga. Yezu Kristu udashaka kubaroha mu byaha, ahubwo ushaka kubarohora. Ibyo ngibyo bikagaragara mu ntumwa yose ya Kristu. Ibyo ni byo Pawulo ahamiriza bariya Banyefezi, atari ukugira ngo abirateho,  ababwira ati “Dore ubu ngubu mwebwe mugiye gukora amahano kandi muzi ko nabaye intagereranywa, nabaye igitangaza.” Pawulo agira ngo abashishikaze, muri bo yarebaga abantu bose bazabahagarara imbere, abantu bose bazabitegereza bagira ngo babone urugero, abantu bose bazabagira ikitegererezo, akarorero. 

Maze babona koko ko Yezu yabakijije, na bo bakagenda bamwegera bamwegera bati “Eee, ibyo Yezu yakoreye uriya, ndashaka ko nange abinkorera. Dore uriya yamukijije ubusambanyi nanjye ndashaka ko abunkiza. Yamukijije inzangano nange ndashaka ko azinkiza. Dore uriya Yezu yamukijije kurakara nanjye ndashaka ko abinkiza. Yezu kuki utankiza nk’uriya?” Nta gushidikanya rero ko urugero ari ingenzi, nta nubwo ari  ingenzi gusa ni ngombwa mu myigishirize ya Yezu Kristu, mu myigishirize y’Inkuru Nziza, mu myamamarize ya Yezu Kristu. 

Ni yo mpamvu Pawulo azamura akaboko yitangaho umugabo kugira ngo na bo bamwigane. Abo ngabo bose biyemeje guhagarara imbere y’abandi ati “Turi hano, tuje kubahugura.” Kugira ngo izo nyigisho, ayo mahugurwa adahinduka ayo mu mutwe gusa, ahubwo bibe kubereka inzira kandi bafatanya na bo kuyikurikira. Pawulo Intumwa rero yababwiye ariya magambo, ateye ubwuzu! Amagambo yuje urukundo: “Muzi ko nabanye namwe kuva aho ngereye  muri Aziya.”

Nabanye namwe! ni nkaho yakababwiye ati “Mwarambonye, muranzi. Sinabihishe ubuzima bwange nabushyize imbere yanyu muzi ko nabanye na mwe. “Nakoreye Nyagasani niyoroheje ku buryo bwose.” Yakoreye Nyagasani yiyoroheje, ntabwo ari abantu yakoreye. Nta muntu n’umwe uzashaka gukorera abantu ngo yigere ashimisha Yezu Kristu.

Nta muntu n’umwe uzashaka gukorera abantu ngo yigere ashimisha Yezu Kristu wapfuye akazuka. Pawulo si abantu yakoreye. Yakoreye Nyagasani. Ahagaze aha kubera ko Nyagasani yabishatse. Ari imbere yabo kuko Nyagasani yabishatse, ntabwo ari ubushake bw’umwe muri bo. Ni yo mpamvu na we nk’uko yabyibukije nyine mu ibaruwa yandikiye Abanyatesaroniki aho yababwiraga ko adaharanira gushimisha umwe muri bo, ahubwo aharanira ikuzo rya Nyagasani ko ari ryo ashaka, ko atigeze ababwira amagambo y’amaryohereza, ahubwo yashatse kubabwira ijambo rikiza buri wese. Ni Nyagasani yakoreraga. Yakoreraga Nyagasani Yezu.

Ntabwo ijambo twamamaza ari iryo kurobesha incuti, ni iryo kurobesha abayoboke ba Kristu. Ni iryo gukiza abantu icyaha n’urupfu. Kwamamaza Yezu Kristu. Ibyo ntibishobora gukorerwa kugira ngo hagire umuntu wishima, cyangwa se aseke cyangwa atarakara. Uko Yezu yashakaga guha Se ikuzo gusa, ni ko n’abe baharanira ikuzo rya Yezu Kristu wenyine, kandi igihe cyose  batabikoze gutyo barahusha.

Nakoreye Nyagasani! Pawulo akongera ati “Nakoreye Nyagasani niyoroheje ku buryo bwose.” Niyoroheje ku buryo bwose! Yezu Kristu twamamaza ni Uwapfuye rubi yasebye! nk’uko Pawulo abitwibutsa mu Banyafilipi kabiri. Apfa urw’abacakara! yicishije bugufi ku buryo bukomeye!

Ntabwo rero umuntu wuzuye ubwirasi ashobora kwamamaza Yezu Kristu, kabone n’aho yamuvuga. Inkuru Nziza inyura mu bwiyoroshye, yamamazanywa ubwiyoroshye. Nta muntu n’umwe ugomba kurata ubutumwa bwe uko bwaba bwitwa kose ngo agire umuntu abukandagiza. Iyo bigenze gutyo ntibuba bukiri ubutumwa kaba kabaye akazi ke. Kuko gutumwa nyabyo ni ukugendana na Yezu Kristu mu bwiyoroshye.

Pawulo agakomeza ati “Mu marira no mu magorwa naterwaga n’ubugambanyi bw’Abayahudi”. Ntacyo yasize inyuma mu gutanga imbaraga ze no mu gutanga umutima we, mu gutanga ubwenge bwe, kugira ngo Yezu Kristu amenyekane. N’amarira yarayarize! Inkoni yarazikubiswe! Yarababaye! Ariko ibyo byose ntibyamubujije kwishimira kwamamaza Yezu Kristu wapfuye akazuka.

“Nta cyo nabakinze mu byo nashoboraga kubabwira cyabagirira akamaro. Ntabwo ijambo rya Yezu Kristu ryamamazwa mu mayeri. Yezu Kristu ntabwo ahishe, yarazutse ni muzima. Ntamafefeko aba mu Iyamamaza-nkurunziza. Abamamaza Yezu Kristu ntibafefeka. Yezu Kristu ni Urumuri. Inkuru Nziza ntabwo yamamazwa umuntu arimo afite ibyo ahishahisha. Umuntu akorana amacengacenga! Yezu Kristu ni muzima n’abamukurikiye ntibagenda mu mwijima. Roho Mutagatifu rero atumanukireho  aduhe ingabire zose zikenewe kugira ngo Yezu yamamazwe muri ibi bihe turimo. N’imbaraga zacu zose, n’umutima wacu wose, n’ubwenge bwacu bwose, ahindure isi.

Ngwino Roho wa Yezu. Singizwa Yezu Kristu wadupfiriye ukazuka! Mutima utagira inenge wa Bikira Mariya, udusabire!