Byinshi wamenya ku mudali w'ibitangaza - La médaille de Notre-Dame des Grâces,

UMUDALI W’IBITANGAZA : Ni umudali w’Umubyeyi ugira inema- Notre Dame des Grâces, dusangaho aya magambo: ‘Bikiramariya utarasamanywe icyaha, urajye udusabira twe abaguhungiyeho’. Wakozwe mu 1832 nyuma y’amabonekerwa yabereye mu bufaransa ahitwa ‘rue du bac’ muri shapeli yitiriwe Umubyeyi w’umudali w’ibitangaza, ‘Notre-Dame de la médaille miraculeuse’. Umunovisi wo mu babikira b’urukundo ba mutagatifu Vincent de Paul witwa Catherine Labouré - Catherine de la Charité, yabonekewe na Bikiramariya kuwa 18/07/1830, Bikiramariya amubwira ko afite ubutumwa agomba gusohoza- ‘une mission à remplir’ nuko kuwa 27/11/1830 amubonekera amubonekera amwereka umudali; imbere n’inyuma agomba gucurisha akanawukwirakwiza, ugashushanya ubuhamya bw’urukundo, kurindwa n’isoko y’inema. Yamubwiye ko umuntu wese uzawambara azaronka uburinzi bwihariye bw’umubyeyi w’Imana- protection toute spéciale de la Mère de Dieu.

Mu 1832, nibwo wakwirakwijwe bwambere, ubwo i Paris no mu burayi hari icyorezo cya korera, bikavugwa ko cyahise gikira kubera uwo mudali. Kimwe mu bitangaza byinshi by’uyu mudali cyemewe na Kiliziya ni ihinduka ry’umuyahudi Alphonse Ratisbonne mu 1842 wanahise ajya kwitagatifuriza mu muryango w’Abayezuwiti. Uyu Alphonse utarakozwaga iby’ubukristu, yabonekewe na Bikiramariya- Vierge de la Médaille Miraculeuse, nyuma yo kwambara umudali agamije guhinyuza iby’ubukristu. Uyu Alphonse Ratisbonne, afatanije na Théodore, yashinze umuryango witiriwe Bikiramariya, umubyeyi wa Siyoni- Congregation de Notre-Dame de Sion mu 1843 ugamije guhamya ubudahemuka bw’Imana ku rukundo ifitiye umuryango w’abayahudi. Mutagatifu Maximilien-Marie Kolbe yawuhisemo nk’ikimenyetso cyihariye cy’abanyamuryango ‘ihuriro ry’abakristu ryitwa Mission de l’Immaculée yashinze i Roma mu 1917. Na n’ubu uyu mudali ugurishwa ku bwinshi mu bufaransa, aho igera kuri miliyoni enye igurishirizwa mui shapeli ya Rue du Bac.