Diyosezi ya Byumba yatanze ubutumwa 2024-2025

Iyi foto ni iy'ubutumwa bwa 2023/2024 

Hatanzwe ubutuma mu maparuwasi 25, ibigo by’amashuri 16, serivisi rusanjye za diyosezi n’izihuza amadiyosezi. Amasantarali 2 arategurirwa kuba paruwasi. Hari abatumwe kongera ubumenyi n’abkora ubutumwa mu mahanga (Pastorale fidei donum). Bisome mu nshamake.

Mu gihe cy’impeshyi, amadiyosezi yo mu Rwanda atanga ubutumwa mu byiciro binyuranye. Inyandiko ya Diyosezi yo kuwa 25/6/2024 ni yo igaragaza uko abasaseridoti bahawe ubutumwa mu mwaka wa 2024-2025, igasba ko abahawe ubutumwa bushya bagomba kuba bageze aho batumwe bitarenze kuwa 19/08/2024

A.   ABATUMWE MURI SERIVISI RUSANGE

Padiri Augustin NDAGIRIYIMANA

Mu bahawe ubutumwa muri serivisi rusange harimo Myr Patrick Irankunda, igisonga cy’umwepiskopi, ushinzwe abakozi, guhuza ibikorwa by’ikenurabushyo, OPM ndetse n’ibiro bishinzwe imishinga. Padiri Emilien NGERAGEZE yakomeje kuba umunyamabanga wa Diyosezi. Padiri Aubert ARAMBE ni umunyakigega mukuru wa Diyosezi, yungirijwe na Padiri Donatien HAKIZIMANA uyobora ikigo FIAT. Padiri Augustin NZABONIMANA ashinzwe Karitasi, naho Padiri Wellars RUYANGE MPABUKA (uzabuhabwa muri iyin mpeshyi) akazaba umunyamabanga wihariye w’umwepiskopi asimbuye Padiri Patrick DUSHIMIMANA watumwe kongera ubumenyi i Roma. Dion MBONIMPA akomeje kuyobora ibiro bishinzwe ubwigishwa. Padiri Alfredi RUTAGENWA ni we uzita ku burezi, afatanije na Padiri Alexis MUNYABUGINGO. Padiri Augustin NDAGIRIYIMANA wari vikeri i Rushaki yatumwe kuba omoniye wungirije w’urubyiruko muri diyosezi.

B.   Abatumwe kuyobora Amaparuwasi 

1. Paruwasi ya Bungwe izayoborwa na   Padiri Celestin Niyonsenga wari Vikeri muri paruwasi Katederal ya Byumba
2. Paruwasi ya Burehe izakomeza kuyoborwa na Padiri Fulgence DUNIYA
3. Paruwasi ya Byumba izakomeza kuyoborwa na Padiri Jean Marie Vianney DUSHIMIYIMANA
4. Paruwasi ya Gihengeri izakomeza kuyoborwa na  Padiri Cyprien HAVUGIMANA
5. Paruwasi ya Gituza izakomeza kuyoborwa na Padiri  Vincent GASANA
6. Paruwasi ya Kinihira izakomeza kuyoborwa na Padiri Patrice NTIRUSHWA
7. Paruwasi ya Kisaro izayoborwa na Padiri  Jean Bosco RWUBAKE wari umucungamutungo wungirije wa Seminari ya Rwesero. Azaba anshinzwe urubyiruko ku rwego rwa diyosezi
8. Paruwasi ya Kiziguro izayoborwa na Padiri Etienne UWIRINGIYIMANA, M.SS.CC  wari Vikeri akaba na Omoniye ushinzwe abanyamutima muri diyosezi
9. Paruwasi ya Matimba izakomeza kuyoborwa na Padiri Védatse NZARAMBA
10. Paruwasi ya Mimuli izakomeza kuyoborwa na Padiri Narcisse RURENGA
11. Paruwasi ya Muhura izayoborwa na Emmanuel ZIHALIRWA NTABOBA wari  wari umuyobozi wari usanzwe ari Vikeri, akabifatanya no kuba ushinzwe imyitwarire mu kigo cya Lycée St. Alexandre Sauli ndetse akaba n’umuyobozi w’umuryango (Superieur de la Communauté).
12. Paruwasi ya Mulindi izakomeza kuyoborwa na Padiri Paul GAHUTU
13. Paruwasi ya Mutete izakomeza kuyoborwa na Padiri Emille Bievenu HAKIZIMANA
14. Paruwasi ya Muyanza izayoborwa na Padiri Macedoine NIYIZINZIRAZE wayoboraga iya Rwamiko
15. Paruwasi ya Ngarama izakomeza kuyoborwa na Padiri Noel NGABONZIZA
16. Paruwasi ya Nyakayaga izakomeza kuyoborwa na Padiri Eric IZABAYO, M.SS.CC
17. Paruwasi ya Nyagahanga izakomeza kuyoborwa na Padiri Clet NAHAYO
18. Paruwasi ya Nyagasozi izakomeza kuyoborwa na Padiri Bonaventure NIBISHAKA
19. Paruwasi ya Nyagatare izakomeza kuyoborwa na Padiri Gilbert NIYITANGA
20. Paruwasi ya Nyarurema izayoborwa na Mgr Patrick Irankunda, Igisonga cy’umwepiskopi
21. Paruwasi ya Nyinawimana izayoborwa na Padiri Ildephonse NDAYAMBAJE
22. Paruwasi ya Rukomo izayoborwa na Padiri Jean Chrysostome RWIYAMIRIRA wayoboraga iya Bungwe
23. Paruwasi ya Runyinya izakomeza kuyoborwa na Padiri Eugène IYAKAREMYE
24. Paruwasi ya Rushaki izakomeza kuyoborwa na Padiri David Bienveillance NSHIMIYIMANA
25. Paruwasi ya Rwamiko izayoborwa na Padiri Jean nepomuscene HARELIMANA  wayoboraga Kisaro 

C.  Abatumwe gutegura amaparuwasi azashingwa

1. Padiri Faustin SENZOGA, wayoboraga Paruwasi ya Muyanza, yatumwe kuba Vikeri muri Paruwasi ya Bungwe ategura ishingwa rya Paruwasi ya Rubaya
2. Padiri Charles HAKOLIMANA, wari ushinzwe amasomo mu Iseminari Nto ya Rwesero, yatumwe kuba Vikeri muri Paruwasi ya BYUMBA ategura ishingwa rya Paruwasi ya SHANGASHA

D.  Abatumwe kuyobora ibigo by’amashuri

1. Iseminari Nto ya Rwesero izakomez kuyoborwa na Padiri Sébastien MUKURIZEHE, yungirijwe na Padiri Michel MUHOZA ushinzwe amasomo. Uyu yari ashinzwe imyitwarire. Padiri Eugene NIYEGENA ni we ushinzwe imyitwarire. Uwahawe ubutumwa bwo kuba umucungamutungo ni Padiri Albert Uwimana Gatanazizi, akaba yungirijwe na Ildephonse GATETE mu gihe Padiri Gildas URIWENUWE (uzabuhabwa muri iyi mpeshyi) azita ku buzima bwa roho
2. UTAB izakomeza kuyoborwa n’umudominikani Padiri Gilbert MUNANA, op
3. ES RUSHAKI izakomeza kuyoborwa na Padiri Joseph BUKENYA WETAASE
4. ES Santa Maria Karambo: Izakomeza kuyoborwa na Padiri Athénogène TUYISHIME. Umucungamutungo ni Padiri Jean Pierre HABARUREMA, ushinzwe imyitwarire ni Padiri Alexis NDAYISABA SINGIZWA
5. EFA NYAGAHANGA : ushinzwe amasomo ni Padiri Jean Pierre SIBORUREMA.
6. ETP NYARUREMA izakomeza kuyoborwa na Padiri Jean Bosco NSHIMIYIMANA
7. TVET GITUZA  izakomeza kuyoborwa na Padiri Patrice TUYISHIMIRE
8. KIZIGURO Secondary School izakomeza kuyoborwa na Padiri Théophile TWAGIRAYEZU.
9. GS KIZIGURO : izakomeza kuyoborwa na Padiri Emmanuel NIZEYIMANA
10. Lycée Saint Alexandre Sauli izakomeza kuyoborwa na Padiri Alphonse SINABAJIJE.
11. COLLEGIO S.A.M. Zacharia izakomeza kuyoborwa na Padiri Pascal KUNUNISHALI, ushinzwe imyitwarire ni Padiri Emmanuel SOTA GANYWAMULUME naho umucungamutungo akaba Padiri Ignace NSENGIYUMVA
12. GS Rwesero na TVT Rwesero bizakomeza kuyoborwa na Padiri Jean Bosco NKURANGA
13. GS BUREHE izakomeza kuyoborwa na Padiri Théophile HARERIMANA
14. GS EPA BYUMBA izakomeza kuyoborwa na Padiri Principe NIYITANGA
15. GS MUYANZA izakomeza kuyoborwa na Padiri Emile DUSENGUMUREMYI
16. GS NYARUBUYE izaakomeza kuyoborwa na  Padiri Diogène TUMUHAYIMPUNDU 

E.   Mu bahawe ubutumwa mu burezi, harimo kandi:

1. Padiri Emmanuel MUGABO yigisha mu Iseminari Nkuru ya Nyakibanda (Formateur- Professeur Résident). Hari kandi Myr Patrick IRANKUNDA na Padiri Sébastien MUKURIZEHE na bo batanga amasomo i Nyakibnda (Formateurs- Professeurs Visiteur).
2. Padiri Lucien HAKIZIMANA, umwalimu muri UTAB
3. Padiri Casmir RUZINDAZA azakomeza kwigisha mu Iseminari Nto ya Rwesero.
4. Padiri Pascal NIZEYIMA yatumwe kwita ku buzima bwa roho mu Iseminari Nkuru ya Kabgayi
5. Padiri Evariste NDIKUMWENAYO yatumwe kwita ku buzima bwa roho mu Iseminari Nkuru ya Rutongo, yari ashinzwe ubwo butumwa mu Iseminari Nto ya Rwesero
6. Padiri Isaïe NKURUNZIZA yatumwe kwita ku masomo  mu Iseminari Nkuru ya Rutongo. Yari Padiri mukuru wa paruwasi ya Rukomo

F.   Abapadiri 16 bahawe ubutumwa bwo kongera ubumenyi mu mahanga

1. Abiga muri France : Abapadiri Gaspard KUBWIMANA na Antoine NGAMIJE MIHIGO  
2. Abiga muri Espagne : Abapadiri Emmanuel NDATIMANA na Déogratias NSHIMIYIMANA
3. Abiga mu Butaliyani : Abapadiri Augustin RUGWIZA, Viateur SAFARI, Dominique MUNDERE, Aimé Dieudonné NZABAMWITA na Albert HAKUZIMANA. Aba bari bahasanzwe, hakaba hiyongereyeho Abapadiri : Revocat HABIYAREMYE wakoreraga ubutumwa (pastorale) mu butaliyani, Patrick DUSHIMIMANA wari umunyamabanga w’umwepiskopi na  Frodouard NIZEYIMANA wigishaga i Nyakibanda,
4. Abiga muri Amerika (USA) : Abapadiri Didace KAMANA na Jean d'amour  DUSENGUMUREMYI
5. Padiri Walter UKURIKIYIMFURA yatumwe kongera ubumenyi mu gihugu cya Pologne
6. Padiri Thierry RUGIRA atumwa muri Allemagne. 

Hari kandi n’abapadiri  12 baba mu mahanga bakora ubutumwa (Pastorale – Fidei Donum) bunyuranye mu maparuwasi, abo ni :

1. Padiri Expedito MUWONGE akomereje ubutumwa i LOUISVILLE. USA
2. Padiri Edouard SENTARURE aba mu Bufaransa
3. Padiri Pascal NDAHIRO akomereje ubutumwa muri diyosezi ya Vic, Espagne
4. Padiri Donat NSABIMANA, nyuma yo gusoza amasomo mu Bufaransa yatumwe  muri  Diocèse de Bayeux et Lisieux, France, asangayo Padiri Materne HABUMUREMYI
5. Padiri Isidore NDAYAMBAJE, nyuma yo gusoza amasomo mu Bufaransa Yatumwe  muri  Diocèse de  Vetsailles,
6. Padiri Alexandre NIYONSABA na Padiri Patrick HAKIZAYEZU bakomeje ubutumwa muri Diocèse de bourges, France 
7. Padiri Jean Dmascene MUGIRANEZA, nyuma yo gusoza amasomo mu Bufaransa yatumwe  muri  Diyosezi ya Luc, mu Butaliyani haba kandi Padiri Florien KAZUBWENGE, uba muri Diyosezi ya Pistoia
8. Padiri Vincent KARENGERA akomereje ubutumwa muri Arikidiyosezi ya Luxembourg
9. Padiri Faustin NYOMBAYIRE akomereje ubutumwa muri Freiburg, Allemagne

Tubifurije ubutumwa bwiza.

Izindi nkuru wasoma:

Uko abapdiri ba Byumba bahawe ubutumwa 2023/2024

Uko abapdiri ba Byumba bahawe ubutumwa 2021/2022

C.EP.R: Mu makomisiyo 22, hazasigara 12

Icyemezo cyo kugabanya umubare w’amakomisiyo agize Inama y’Abepiskopi Gatolika mu Rwanda cyafatiwe mu nteko y’Inama y’Abepiskopi Gatolika mu Rwanda yateranye kuva kuwa 7 kugeza kuwa 10 Gicurasi 2024. 

Kuri uyu wa 25 Kamena 2024, Abanyamabanga b'Amakomisiyo 22 y'Inama y'Abepiskopi Gatolika mu Rwanda bateraniye hamwe mu nama nyunguranabitekerezo irimo kugaruka ku cyemezo cy'Abepiskopi cyo kugabanya umubare w'Amakomisiyo akava kuri 22 akaba 12.

Iyo nama yayobowe na Padiri Vedaste Kayisabe, umumyamabanga mukuru w’Inama y’Abepiskopi Gatolika mu Rwanda, ikaba yahuje abamanyamabanga b’amakomisiyo y’Inama y’Abepiskopi, igamije guhuza ibitekerezo ku mpinduka z’amakomisiyo. Izo komisiyo 12 zizaba zisigaye zizahabwa abanyamabanga bashya.

Amakomisiyo 22 agize Inama y’Abepiskopi Gatolika mu Rwanda ni aya:

1. Urukiko rwa Kiliziya,
2. Komisiyo Ishinzwe Umutungo,
3. Komisiyo ishinzwe Imibereho myiza,
4. Komisiyo y'Itumanaho,
5. Komisiyo y'Ukwemera na Bibiliya,
6. Komisiyo ya Liturujiya na Muzika Nyobokamana,
7. Komisiyo Ishinzwe Umubano n'andi madini,
8. Komisiyo Ishinzwe abapadiri n'abaseminari,
9. Komisiyo ishinzwe abihayimana,
10. Komisiyo ishinzwe urubyiruko,
11. Komisiyo ishinzwe Ihamagarwa,
12. Komisiyo ishinzwe Abalayiki,
13. Komisiyo y'Ubutabera n'Amahoro,
14. Komisiyo ishinzwe impunzi n'Abimukira,
15. Komisiyo ishinzwe Umuryango,
16. Komisiyo ishinzwe Ubwigishwa,
17. Komisiyo ishinzwe Amashuri Makuru na za Kaminuza,
18. Komisiyo ishinzwe Iyogezabutumwa,
19. Komisiyo ishinzwe Amashuri Gatolika,
20. Komisiyo y'Ubuzima,
21. Komisiyo Ishinzwe Iyogezabutumwa ry'abana,
22. Komisiyo ishinzwe Ikenurabushyo rusange.

Inama ya Buzurora

MINIKUMU

ISHAMI RISHINZWE KUBA NO KUBAHO

ISHURI RY’UBUZIMA

ISOMO RY’IMIBEREHO N’IMIBANIRE

UMWAKA W’AMASOMO: IGIHE CYOSE URIHO

IKIZAMINI CY’IMIBEREHO N’IMIBANIRE MU BANTU    /Amanota 20

Umwandiko

(igice cy’umwandiko ‘Inama ya Buzurora’)

… Buzurora yaryamanye ibakwe, abyukana ubunebwe, aricara yubika umutwe mu maguru ngo yiyungure ubwenge. Nibwo yibwiye ati: “Reka ngenderere za nshuti zanjye Rubandibibona na Bakoshabadahannye nkunda cyane, tube tugagura akanwa, ndeke kwicurikira ubwenge kandi buhenda.” Buzurora ahaguruka ubwo, agenda atarora hirya, atarora hino,  nk’aho hari umukurikije induru.

Ku bw’amahirwe ye, yasanze inkoramutima ze zaramukiye hamwe. Ngo amare kuzibwira ikimugenza, bemeranya bose kuzerera.  Nuko bose barabuyera, nuko bose barirwa mu gakungu, barashubera bishyira kera kuko badakangwa n’ijoro. Bidatinze, Buzurora anyurwa n’ibyo, aba indatwa mu bitegwajoro, byakirizwa n’amahiri, impundu zabo zikaba induru. …

I.                IBIBAZO BYO KUMVA UMWANDIKO

1.     Rubandibibona ni nde? / Amanota 5

2.     Bakoshabadahannye uvugwa muri uyu mwandiko ni nde? / Amanota 5

II.              IBIBAZO BY’UBUMENYI RUSANJYE

3.     Andika mu magambo arambuye iyi mpine: MINIKUMU /Amanota 4

Hitamo igisubizo cy’ukuri 

4.     Iyo bavuze “Buzurora” wumva ari ubuki? /Amanota 2

a.      Ububwanebwe

b.     Ubusambo

c.      Ubwenge

d.     Byose ni byo

5.     Ukurikije ibisuzo by’ibibazo byo kumva umwandiko, gorora iyi nteruro:   Amanota 4

Nuko bose barirwa mu gakungu: 

 

Amahirwe masa!

Menya abagize ubuyobozi bukuru bwa diyosezi ya Nyundo

 

Izindi nkuru wasoma:

1. Menya abagize ubuyobozi bukuru bwa diyosezi ya  Byunmba

2. Ruhengeri: Abagize ubuyobozi bukuru, abapadiri bakuru n'abayoboye Komisiyo

3. Menya diyosezi ya Ruhengeri n’Abepiskopi bayiyoboye

4. Ibyo wamenya kuri Diyosezi ya Nyundo, impanga ya Kabgayi

Filipo Neri, umutagatifu w’ibyishimo

 

…imyaka 60 akorera Kiliziya, kenshi iyo yabaga avuga misa yasaga n’uwabonekewe. Bakamubona mu kirere akikijwe n’urumuri rwaka neza cyane… 

Filipo Neri yavukiye i Florensi mu Butaliyani, ku itariki ya 22 Nyakanga 1515. Se yari umuhanga mu mategeko akaburana imanza z’abantu bamwiyambaje. Filipo arangije amashuri yagiye San Germano, gufasha se wabo mu by’ubucuruzi, hari mu 1532. Uwo mugabo yashakaga kuzamura umutungo munini yari afite kubera ko bakoreraga bugufi y’ikigo cy’abamonaki ba mutagatifu Benedigito (les bénédictins du mont Cassin),Filipo yajyagayo buri munsi gusenga hamwe na we. Nyuma y’imyaka itatu yagiye Roma, ari mu kigero cy’imyaka 15. Kuva ubwo iby’ubukire bw’isi abitera umugongo nuko atangira kwigira ubusaseridoti. Hagati aho yitangiye cyane urubyiruko afasha abarwayi ndetse n’abandi bose batagira kirengera. Yaribabazaga bikomeye. Haba ubwo yamaraga gatatu nta cyo ariye cyangwa anyoye. 

Yahawe ubusaseridoti afite imyaka 36. Aho abereye umusaseridoti, aritanga rwose mu mirimo yabwo. Ahera ubwo agarura abakristu benshi bari barataye ukwemera, kandi abakirisitu yagaruye mu nzira y’ijuru ntibabarika. Agatanga kenshi penetensiya umunsi wose kugera ijoro riguye. Nyuma, yabonye ko adashoboye gukora imirimo myinshi inyuranye wenyine ni ko kurema umuryango w’abapadiri awita « uwabasenga » (Congrégation de l'Oratoire) mu 1551. Uyu muryango wemewe na Papa Girigori XIII MU 1575. Bavuga ko urukundo rw’Imana rwari rwaramusaze igituza, Imana igatuma imbavu ze ebyiri zeguka kugira ngo abone ubuhumekero.

Kenshi iyo yabaga avuga misa yasaga n’uwabonekewe. Bakamubona mu kirere akikijwe n’urumuri rwaka neza cyane. Rimwe agwa mu rwobo nijoro agemuriye abarwayi. Umumalayika arumuvanamo. Bashatse kumuha ikuzo rikomeye muri Kiliziya aranga. Yamenyaga neza imitima y’abantu n’icyo itekereza. Yari yarahawe kandi ingabire y’ubuhanuzi no kuba henshi mu gihe kimwe. Yabonekerwaga kandi kenshi na Bikira Mariya n’abandi batuye ijuru.

Filipo yitangiye byimazeyo kwamamaza Ingoma y’Imama icyo gihe, bigaragazwa cyane n’umubare w’abakristu bivuguruye n’abandi babatijwe. Papa yashimye ibikorwa bye n’ukwitagatifuza kwe amusaba ko yakwemera ko amugira kalidinali ariko kubera ukwiyoroshya kwe arabyanga. Filipo Neri yakoreye Kiliziya imyaka 60 yose. Icyo yakoraga cyose n’aho yabaga ari hose yaharaniraga kwigarurira abantu abaganisha ku Mana. Aho yitabiye Imana ahabwa gukora ibitangaza bikomeye cyane kurusha mbere. Kuwa 11 Gicurasi 1615, Papa Pawulo V yamushyize mu rwego rw’Abahire. Ni Papa Gerigori wa XV wamwanditse mu gitabo cy’abatagatifu kuwa 12 Werurwe 1622. Azwi nk’umutagatifu w’ibyishimo (Saint de la Joie). Twizihiza Mutagatifu Filipo Neri ku itariki 26 Gicurasi.

Filipo Neri yabaye umunyabitangaza, umuntu w’ingenzi muri Kiliziya, by’umwihariko mu kurinda ukwemera gutagatifu ngo kudatsindwa n’abaporotesitanti, aba umunyabitangaza (Mystique et thaumaturge de la Réforme catholique, une figure importante de la Contre-Réforme catholique).

(Iyi nkuru yubakiye ku byakusanyijwe na padiri Theophile TWAGIRAYEZU, umupadiri wa diyosezi ya Byumba. Ku yandi makuru ku nyandiko yakusanyije ku mibereho y'abatagatifu bariza kuri tel: 0782889963/ 0722889963, ubunyamabanga).

Menya abagize ubuyobozi bukuru bwa diyosezi ya Byumba

 

Izindi nkuru wasoma 

1. Amateka ya mutagatifu Sesiliya

2. Amateka ya mutagatifu Aniseti

3. Amateka ya mutagatifu  Egisipediti

Mata 2024: Abapadiri 24 batorewe kuba abepiskopi

Mu kwezi kwa Mata 2024, Papa yatoye abepiskopi bashya 19, bivuze ko hazaba ibirori 19 byo gushyira abo bapadiri mu rwego rw’abepiskopi, bagahabwa inkoni y’ubushumba kandi bakicazwa mu ntebe igenewe umwepiskopi wa diyosezi. Kiliziya kandi izahimbazwa n’ibirori byo kwakira abepiskopi bahawe ubutumwa mu yandi madiyosezi. Turebere hamwe mu nshamake abo basenyeri bashya Kiliziya yungutse.

Kuwa 3 Mata 2024: Hatowe Abepiskopi babiri

Mexico: Padiri Víctor Carabés Cháves, M.N.M., yatorewe kuba umushumba wa diyosezi ya Tenancingo. Myr Víctor Carabés yavukiye mu mujyi wa Mexico, kuwa 16 Nyakanga 1963. Mu 1990, yakoze amasezerano y’abiyeguriyimana  ( Missionaries of the Nativity of Mary), ahabwa ubupadiri kuwa 2 Nyakanga 1991. Mu butumwa bwa gisaseridoti yasohoje mu bihe bitandukanye, harimo kuba umujyanama mu by’ubukungu, ndetse no kuyobora umuryango. (advisor for the economy and superior general, 2008-2021)

Padiri Parsegh (Manuel) Baghdassarian, wari padiri mukuru wa paruwasi katederali ya Mutagatifu Girigori (Saint Gregory the Illuminator) i Los Angeles muri Amerika kuva mu 2017, yatorewe kuba umwepiskopi wunganira (auxiliary bishop) muri diyosezi y’abarumeniya ( the eparchy of Our Lady of Nareg in Glendale of the Armenians, United States of America and Canada). Yavukiye i Beirut muri Lebanon, kuwa 21 Gashyantare 1975, ahabwa ubupadiri kuwa 2 Nzeri 2000. Yize muri za kaminuza zitandukanye i Roma; yiga Tweolojiya ndetse n’amategeko ya kiliziya (theological formation in Rome, at the Pontifical Gregorian University, and graduated in Eastern canon law from the Pontifical Oriental Institute (1996-2001). Afite impamyabumenyi mu gutegura abarezi (diploma in formation of educators from the Salesian Pontifical University, 2011-2012).

Bumwe mu butumwa yasohoje: 2001 – 2002: yabaye umuyobozi wungirije wa Seminari San Vartan muri Syria. 2002 – 2007: Yabaye umucungamutungo wa Caritas i Damascus muri Syria. 20007 – 2017: Yabaye umucungamutungo mukuru w’ikigo cya Bzommar (Institute of the Patriarchal Clergy of Bzommar). 2011 - 2017: Yabaye umuyobozi wa za seminari (rector of the major and minor seminaries). Mu 2012: Yabaye umucamanza mu rukiko rwa Kiliziya (judge of the Armenian ecclesiastical tribunal and of the Maronite tribunal).

Kuwa 5 Mata 2024: Hatowe Abepiskopi 2

Belarus: Padiri Uladzimir Huliai yotorewe kuba umwepiskopi w’umuragwa (coadjutor bishop) wa diyosezi ya Grodno. Yavutse kuwa 14 Kamena 1975, ahabwa ubupadiri kuwa 26 Kamena 1999. Muri 2011, yahawe impamyabumenyi y’ikirenga muri Tewolojiya, ishami ry’amahame, ayitsindiye mu Buholandi (doctorate in dogmatic theology, the John Paul II Catholic University of Lublin, Poland). Myr Uladzimir Huliai yitangiye Kiliziya mu buryo bunyuranye; yabaye umuyobozi (prefect) mu Iseminari Nkuru yigisha Tewolojiya i Grodno, aza no kuyibera umuyobozi (2001-2003). Kuva mu 2001,yatangaga amasomo ya Tewolojiya, ishami ry’amahame (dogmatic theology), muri iyo Seminari.

Chile: Padiri Henry Joseph Balzan, umusaseridoti wa diyosezi ya Copiapóm wari Igisonga cy’umwepiskopi, yatorewe kuba umwepiskopi wunganira (auxiliary bishop) wa Serena. 

Myr Henry Joseph Balzan yavutse kuwa 1 Ugushyingo 1963, ahabwa ubupadiri kuwa 5 Kamena 1991.

Yasohoje ubutumwa bunyuranye bwa gisaseridoti burimo kuba padiri mukuru mu maparuwasi atandukanye.

Kuwa 6 Mata 2024: Hatowe umwepiskopi mu Buhinde

Padiri Simiao Purificaçao Fernandes yatorewe kuba umwepiskopi wunganira muri Arikidiyosezi ya Goa na Damão. 

Yavutse kuwa 21 Ukuboza 1967,ahabwa ubupadiri kuwa 10 Gicurasi 1993. Afite impamyabumenyi ihanitse muri Tewolojiya (doctorate in biblical theology).

Bumwe mu butumwa yasohoje, harimo gutanga isomo ry’ibyanditswe bitagatifu (sacred Scripture) mu Iseminari Nkuru i Rachol (2005-2018).

Yabaye kandi umuyobozi w’Ikigo cy’ikenurabushyo (Saint Pius X Pastoral Institute ), umuyobozi ushinzwe ubumwe bw’amadini (Ecumenism) kuva mu 2018.

Kuwa 8 Mata 2024: Hatowe umwepiskopi muri Bulgaria

Padiri Petko Valov, wari umunyamabanga wa diyosezi yitiriwe mutagatifu Yohani XXIII (eparchy of Saint John XXIII, Byzantine rite), yatorewe kuba umwepiskopi w’iyo diyosezi. 

Yavutse kuwa 8 Mutarama 1966, ahabwa ubupadiri kuwa 11 Ukwakira 1997. 

Zimwe mu nshingano yakoze harimo kuba intumwa ya Kiliziya Gatolika mu Nama y’Igihugu y’Amadini muri Bulgaria kuva mu 2008. 

Yabaye kandi Umunyamabanga w’Inama y’Abepiskopi (Interritual Bishops’ Conference of Bulgaria), kuva mu 2020.

Kuwa 9 Mata 2024: Hatowe Umwepiskopi wa Diyosezi ya Charlotte (U.S.A.)

Padiri Michael T. Martin, O.F.M. Conv., wari padiri mukuru wa Paruwasi Saint Philip Benizi muri Georgia, yatorewe kuba umwepiskopi wa diyosezi ya Charlotte muri Amerika (U.S.A.). Myr Michael T. Martin, O.F.M. Conv., yavutse kuwa 2 Ukuboza 1961. 

Yakoze amasezerano y’abihayimana kuwa 2 Kanama 1985 mu muryango w’Abafransiskani (Franciscan Order of Friars Minor Conventual). Yahawe ubupadiri kuwa 10 Kamena 1989. Afite impamyabumenyi mu burezi (a Master of Education from Boston College 1993), akaba yarayoboye ibigo by’amashuri bitandukanye, i New York: 1989-1996 ndetse no muri Maryland:1996-2001, 2001-2010).

Kuwa 15 Mata 2024:Hatowe umwempiskopi wa Diyosezi ya Buta (D.R.C.)

Padiri Martin Banga Ayanyaki, O.S.A., wo mu muryango w’aba “Augustine”, yatorewe kuba umwepiskopi wa diyosezi ya Buta. Myr Martin Banga Ayanyaki, O.S.A., yavutse kuwa 1 Ukuboza 1972. Yakoze amasezerano y’abihayimana kuwa 30 Ukuboza 2002, ahabwa ubupadiri kuwa 28 Kanama 2003. Bumwe mu butumwa yasohoje burimo kuba umuyobozi wungirije w’aba “Augustine” (regional vicar of the Order of Saint Augustine) muri Repubulika iharanira Demokrasi ya Kongo mu bihe bitandukanye, anigisha muri Saint Augustine University i Kishansa (2022- 2024). Afite impamyabumenyi y’ikirenga (Doctorate) yakuye i Roma (Pontifical Gregorian University of Rome, 2014-2020).

Kuwa 18 Mata 2024: Hatowe Arikiyepiskopi wa Florence (Italy)

Padiri Gherardo Gambelli, wari Padiri mukuru wa Madonna della Tosse muri Arikidiyosezi ya Florence, yatorewe kuba Arikiyepiskopi w’iyo Arikidiyosezi. Myr Gherardo Gambelli yavutse kuwa 23 Kamena 1969, ahabwa ubupadiri kuwa 2 Kamena 1996. 

Afite impamyabumenyi ihanitse muri Tweolojiya (doctorate from the Theological Faculty of Central Italy, 2007) yatsindiye nyuma yo kwiga i Roma (licentiate in biblical theology from the Pontifical Gregorian University in Rome, 2000). Yakoze kandi ubutumwa mu gihugu cya Chad (fidei donum priest, 2011 - 2022), muri Arikidiyosezi ya N’Djaména, burimo kuba igisonga cy’umwepikskopi (2019 - 2022).

Kuwa 19 Mata 2024: Hatowe umwepiskopi muri Ecuador

Padiri Reverend Ramiro Alejandro Herrera Herrera, umusaseridoti wa Arikidiyosezi ya Guayaquil, wari igisonga cy’umwepiskopi wa diyosezi ya Babahoyo, yatorewe kuba umwepiskopi wunganira muri Arikidiyosezi ya Portoviejo. Myr Reverend Ramiro yavutse kuwa 21 Ukwakira 1963, ahabwa ubupadiri kuwa 2 Gashyantare 1991. Yasohoje ubutumwa mu maparuwasi anyuranye ya Arikidiyosezi ya Guayaquil, hanyuma kuva 2012 akorera ubutumwa mu maparuwasi atandukanye ya diyosezi ya Babahoyo. Muri iyi diyosezi kandi yabaye umuyobozi wayo, igihe itari ifite umwepiskopi (sede vacante).

Kuwa 20 Mata 2024: Hatowe Umwepiskopi muri Diyosezi ya cramento, U.S.A.

Padiri Reynaldo Bersabal, umusaseridoti wa Arikidiyosezi ya Sacramento, wari Padiri mukuru wa paruwasi Saint Francis of Assisi, yatorewe kuba umwepiskopi wunganira w’iyo diyosezi. Myr Reynaldo Bersabal yavutse kuwa 15 Ukwakira 1962, avukikra i Misgay muri Philippines. Yahawe ubupadiri kuwa 29 Mata 1991, nk’umupadiri wa Arikidiyosezi ya Cagayan de Oro muri Philippines. Mu 2004, nibwo yabaye umupadiri wa diyosezi ya Sacramento (incardination). Bumwe mu butumwa yasohoje, burimo kuba umunyamabanga wa Arikidiyosezi ya Cagayan de Oro (1998), no kuba padiri mukuru mu maparuwasi atandukanye ya diyosezi ya Sacramento (2003 – 2024).

Kuwa 22 Mata 2024: Hatowe umwepiskopi muri Arikidiyosezi ya Westminster, England

Padiri Paul James Curry, wari padiri mukuru wa paruwasi ya Kensington muri Arikidiyosezi ya Westminster (kuva mu 2008), yatorewe kuba umwepiskopi wunganira w’iyo Arikidiyosezi. Uyu musenyeri yavutse kuwa 1 Kamena 1960, ahabwa ubupadiri kuwa 17 Gicurasi 1986. Mu bundi butumwa yasohoje, harimo kuba umunyamabanga wa Arikiyepiskopi (1994 - 1999), kuba intumwa y’umwepiskopi (episcopal vicar) muri zone y’iburengerazuba ya London (2013-2016). Yabaye kandi umuyobozi w’Inama y’Abapadiri (Presbyteral Council), n’umwe mu bagize Inama y’Apepiskopi (Episcopal Council) kuva mu 2013.

Kuwa 23 Mata 2024: Hatowe Abepiskopi bunganira 2 muri Diyosezi ya Madrid,Spain

Vicente Martín Muñoz

Abo ni Padiri Vicente Martín Muñoz, umusaseridoti wa diyosezi ya Mérida-Badajoz, akaba n’umuyobozi wa Caritas na Padiri José Antonio Álvarez Sánchez wari padiri mukuru wa Seminari Nkuru kuva 2018.

Myr Vicente Martín Muñoz yavutse kuwa 16 Nzeri 1969, ahabwa ubupadiri mu 1995. Afite impamyabumenyi mu mahame mbonezamubano ya Kiliziya (master’s degree in the social doctrine of the Church), no muri Tewolojiya (licentiate in pastoral theology). Yabaye umuyobozi wa Caritas muri diyosezi (2006-2012), ushinzwe abihayimana muri diyosezi (2013-2016), yigishije muri Kamunuza (Higher Institute of Religious Sciences, 2014-2016). Mu nama y’Abepiskopi, yabaye umunyamabanga w’ishami rishinzwe ibikorwa by’ubugiraneza.

Myr José Antonio Álvarez Sánchez yavutse kuwa 3 Kanama 1975, avukira i Madrid. Yahawe ubupadiri kuwa 18 Kamena 2000. Yabaye omoniye w’ababikira “Oblatas de Cristo Sacerdote” (2003-2008), umunyamabanga w’umwepiskopi wunganira (2005-2014), umurezi mu Iseminari Nto (2001-2005) no mu Iseminari Nkuru (2008-2015), yabaye kandi umuyobozi wa roho (spiritual director) mu Iseminari Nkuru.

Kuwa 25 Mata 2024: Hatowe abepiskopi bunganira 2 muri England

Myr Timothy Francis Menezes yatorewe kuba umwepiskopi wunganira wa Arikidiyosezi ya Birmingham. 

Yavutse kuwa 18 Nyakanga, ahabwa ubupadiri kuwa 22 Nyakanga 1995. Yakoze ubutumwa bunyuranye burimo kwigisha muri Maryvale Institute, (1996-2004), muri Saint Mary’s College (1998-2011) yahigishije isomo rya Liturujiya. 

Yabaye umunyamabanga wa Arikiyepiskopi wa Birmingham (2000-2004), yabaye kandi umujyanama w’inararibonye muri Komisiyo mpuzamahanga ya Litulujiya (2002-2004). Yabaye igisonga cya Arikyepiskopi (2011-2019).

Myr Richard Adrian Walker nawe yatorewe kuba umwepiskopi wunganira wa Arikidiyosezi ya Birmingham. Yavutse kuwa 24 Ukwakira 1960, ahabwa ubupadiri kuwa 22 Nyakanga 2000. I

mwe mu mirimo yakoze: yabaye umwalimu muri Saint Mary’s College (2003-2014), nyuma anayibera umuyobozi wungirije (2006-2014), yabaye umuyobozi ushinzwe amahugurwa ahoraho y’abapadiri (2015-2020), yabaye igisonga cya Arikiyepiskopi na Kanoni (Canon) wa Paruwasi katederali Mutagatifu Chad.

Kuwa 29 Mata 2024: Hatowe umwepiskopi muri Kiliziya y’abangilikani yunze ubumwe na Papa ya Walsingham, (Personal Ordinariate of Our Lady of Walsingham, Great Britain).

Padiri David Arthur Waller wari igisonga cy’umushumba, abifatanya no kuba pasiteri wa paruwasi ya Kristu Umwami, kuva mu 2015, yatorewe kuba umwepiskopi. Myr David Arthur Waller yavutse kuwa 10 Kamena 1961, ahabwa ubudiyakoni mu 1991. 

Yabaye ubutambyi (priesthood) mu 1992 muri Kiliziya yo mu Ubwongereza, (Eglise Anglicane), akora imirimo inyuranye mu itorero Angilikani. Mu cyumweru gitagatifu cyo mu 2011, nibwo David Arthur Waller yakiriwe muri Kiliziya Gatolika, ahabwa ubupadiri nk’uko biteganywa na Kiliziya Gatolika, mu nyandiko yitwa “Anglicanorum coetibus”.

Kuwa 30 Mata 2024: Hatowe Abepiskopi 2

Brazil: Padiri Geraldo dos Reis Maia, umupadiri wa Arikidiyosezi Uberaba wayoboraga Seminari (preparatory seminary) na Paruwasi ya São José, yatorewe kuba umwepiskopi wa diyosezi ya Araçuaí. Myr dos Reis Maia yavutse kuwa 3 Gicurasi, ahabwa ubupadiri kuwa 8 Ukuboza 1998. 

Afite impamyabumenyi ihanitse muri Tewolojiya (doctorate from the Pontifical Gregorian University in Rome). Mu butumwa butandukanye yashinzwe, harimo kuyobora Seminari Nkuru (2007-2008), kuba umuyobozi wa Instituto Teológico São José (2018-2014) no kwigisha Tewolojiya muri kaminuza yari abereye umuyobozi (the Pontifical Pio-Brazilian College of Rome , 2014-2021).

Italy: Padiri Alfonso Raimo, wari Igisonga cy’umwepiskopi kuva mu 2020, yatorewe kuba umwepiskopi wunganira wa Arikidiyosezi ya Salerno-Campagna-Acerno. Myr Raimo yavutse kuwa 2 Nyakanga 1959, ahabwa ubupadiri kuwa 18 Werurwe 1990.

Mu butumwa bwinshi yasohoje, harimo kwigisha Tewolojiya muri za Kaminuza zitandukanye. Yabaye kandi umuyobozi wungirije w’ibiro bya diyosezi bishinzwe iyamamazabutumwa (diocesan Missionary Office, 2016-2020).

Mu mwaka umwe nk’Umwepiskopi wa Kabgayi

Umwaka urashize Diyosezi ya Kabgayi ibonye Umwepiskopi mushya. Hari kuwa 02 Gicurasi 2023, ubwo Nyirubutungane Papa Francis yatoye Padiri Balthazar NTIVUGURUZWA, wayoboraga ICK, ngo abe umushumba wa Diyosezi ya Kabgayi, asimbuye Myr Smaragde MBONYINTEGE wari umaze imyaka 3 asabye kujya mu kiruhuko cy’izabukuru. Myr Balthazar NTIVUGURUZWA yahawe inkoni y’ubushumba na Myr Smaragde MBONYINTEGE, kuwa 17 Kamena 2023, mu gitambo cya Misa cyabereye kuri Stade ya Seminari Nto ya Diyosezi ya Kabgayi. Intego ye ni “ORATE IN VERITATE”, bisobanuye ngo “Nimusenge mu kuri”. 

Muri uyu mwaka ushize atowe, Myr Balthazar NTIVUGURUZWA yasohoje ubutumwa bwa gishumba bunyuranye, yitangira ubushyo bw’Imana, yunze ubumwe n’Imana ndetse n’Umsushumba wa Kiliziya ku isi. Yitangiye umurimo ashinzwe mu gukenura ubushyo bw’Imana, akora ingendo za gitumwa zitari nke, atanga amasakramentu ndetse anasohoza n’ubundi butumwa bunyuranye bugamije guhugura no gukomeza ubushyo bw’Imana kugira ngo bugire ubuzima bwiza, haba kuri roho no ku mubiri. 

Bimwe muri byinshi byakozwe na Myr Balthazar NTIVUGURUZWA muri uyu mwaka,02 Gicurasi 2023 - 02 Gicurasi 2024: 

Yakoze inzinduko za Gitumwa mu maparuwasi menshi atandukanye, arimo Paruwasi ya Nyabinyenga yasuye kuwa 28 Mata 2024, agatanga ubutumwa ku bakateshiste 10 n'abagabuzi b'ingoboka b'Ukaristiya 42. Muri Paruwasi ya Karambi, yahaye ubutumwa abagabuzi b'Ukaristiya b'ingoboka 42, hari kuwa 14 Mutarama 2024. Kuwa 15 Ukwakira 2023, muri Paruwasi yisunze Mutagatifu Andereya i Gitarama, abagabuzi b'Ukaristiya b'ingoboka 95 bahawe ubutumwa. Kuwa 13 Ukwakira 2023, Musenyeri Balthazar yasuye Centrale ya Kivumu ya Paruwasi ya Mugina, aha ubutumwa abagabuzi b'Ukaristiya b'ingoboka 86. 

Yasuye ingo z’abihayimana, anahagararira amasezerano mu bihe binyuranye. Kuwa 24 Ugushyingo 2023, umwepiskopi yasuye ababikira b’Abaja b’Urukundo (les Soeurs Servantes de la Charité) batuye ku musozi wa Sheli muri Paruwasi ya Gihara. Kuwa 18 Ukuboza 2023, i Kizibere, Myr Balthazar yasuye Ababikira b’impuhwe bita ku barwayi (Hospitaller Sisters of Mercy). Kuwa 5 Ugushyingo, yahagarariye amasezerano y’ababikira 3 bo mu muryango w'Ababikira b'Intumwa za Yezu, Mariya na Yozefu, muri Paruwasi ya Kayenzi. Kuwa 03 Gashyantare 2024, ababikira 2 biyeguriye Imana burundu mu Muryango w'Abari b'abakene ba Mutagatifu Klara, Monastère ya Kamonyi. Kuwa 9 Mzeri 2023, Myr Balthazar yahagarariye amasezerano y'Ababikira b'Abarangarukundo, batatu basezerana bwa mbere, umwe asezerana Burundi mu gihe babiri bijihize Yubile y'imyaka 25 bamaze biyeguriye Imana.

Izindi nkuru wasoma:

1. Menya Diyosezi ya Kabgayi n'Abashumba bayiragijwe

2. Menya byinshi kuri Bazilika Nto ya Kabgayi

3. Niwe Mushumba mushya wa Diyosezi ya Kabgayi

4. Hatangajwe ikirangantego cy'Umwepiskopi wa Kabgayi